Gujarati News

Gujarati News

News of Tuesday, 22nd May 2018

યુ.એસ.ના કેલિફોર્નિયામાં આવેલી કોલમ્‍બીઆ કોલેજના પ્રેસિડન્‍ટ તરીકે શ્રી શાંતનું બંદોપાધ્‍યાયની નિમણુંકઃ ૧૬ જુલાઇ ૨૦૧૮ થી હોદો સંભાળશે

કેલિફોર્નિયાઃ યુ.એસ.સ્‍થિત ઇન્‍ડિયન અમેરિકન શિક્ષણશાસ્‍ત્રી શ્રી શાંતનું બંદોપાધ્‍યાયને યુ.એસ.ના કેલિફોર્નિયામાં આવેલા સોનોરા ખાતેની કોલમ્‍બીઆ કોલેજના આગામી પ્રેસિડન્‍ટ ઘોષિત કરાયા છે.

પોસેમિટી કોમ્‍યુનીટી કોલેજ ડીસ્‍ટ્રીકટએ ૯મે ૨૦૧૮ના રોજ કરેલી ઘોષણાં મુજબ તેઓ ૧૬ જુલાઇ ૨૦૧૮થી હોદો ગ્રહણ કરશે.

શ્રી બંદોપાધ્‍યાય હાલમાં સાઇપ્રસ કેલિફોર્નિયા ખાતેની કોલેજમાં એકઝીકયુટીવ વાઇસ પ્રેસિડન્‍ટ ઓફ એજ્‍યુકેશન પ્રોગ્રામ તરીકે જવાબદારી સંભાળી રહ્યા છે. તેમજ સ્‍ટુડન્‍ટસ સર્વિસ ક્ષેત્રે સેવાઓ આપી રહ્યા છે.

કોલેજના આગામી પ્રેસિડન્‍ટ તરીકે નિમણુંક મેળવતા શ્રી બંદોપાધ્‍યાયએ કેમ્‍પસના કુદરતી સૌંદર્યની જાળવણીના મિત્રતાભર્યા વર્તન સાથે કોમ્‍યુીટી સંપર્ક જાળવી રાખવાની નેમ વ્‍યક્‍ત કરી હતી. તથા શિક્ષણ સાથે લોકોનો સંપર્ક મળવી રાખવા પ્રવતીશીલ રહેશે તેમ જણાવ્‍યું હતું.

શ્રી બંદોપાધ્‍યાયએ કોલકતા યુનિવર્સિટીમાંથી બેચલર ઓફ સાયન્‍સની ડીગ્રી મેળવેલી છે. તથા ઓહિયો યુનિવર્સિટીમાંથી MBA અને ડોકટેરટની પદવી મેળવેલી છે.

(11:08 pm IST)
  • ગઈ કાલની મહત્વની મેચમાં કોલકાતાની ટીમ સાથે શાહુરૂખ જોવા મળ્યો નહોતો. હૈદરાબાદ સાથેની મેચ હાર્યા બાદ પણ શાહુરૂખે સોશિયલ મીડિયા પર કેકેઆર ને પ્રેરણાત્મક મેસજ આપતા લખ્યુ હતુ કે, તમે શાનદાર પ્રદર્શન કર્યુ. તમને પોતાના પર ગર્વ હોવો જોઈએ. તમે લોકોએ સૌથી બહેતર રમત બતાવી, આપ સૌની સાથે મારો પ્રેમ યથાવત છે અને હું ખુશ છું, અમારા સૌના મનોરંજન માટે તમારો ધન્યવાદ. access_time 2:16 pm IST

  • સુરતની લેડી ડૉન અસ્મિતા ગોહિલ ઉર્ફે ભૂરીએ પોતાનો ગુનો કબૂલ્યો છે અને હવે સુધરવાની વાત કરી છે. ભૂરીએ કહ્યું કે મારા પર જે આરોપ લાગ્યા છે તે સાચા છે. વાઈરલ થયેલો વીડિયો પણ મારો છે. ભૂરીએ પોતાની ભૂલ પણ સ્વીકારી અને કહ્યું કે જેલમાંથી બહાર આવીને હું મારી ભૂલ સુધારવા માગું છું. ભૂરીએ કહ્યું કે હવે મને લાગે છે કે મારે સુધરી જવું જોઈએ. ભૂરીએ આ નિવેદન કોર્ટ બહાર આપ્યું હતું. access_time 1:23 am IST

  • સુરતમાં કતલખાને લઈ જવાતા ગાય-વાછરડાને બચાવાયાઃ ગૌરક્ષકો ઉપર હુમલો : માંડવીમાં ગૌરક્ષકોએ એક વાનમાં લઈ જવાતા ગાય વાછરડાઓને છોડાવ્યા : તાપીના વલોડની ગાય વાછરડાને લઈ જવાતા હતા ત્યારે ઝડપી લેતા કસાઈઓએ ગૌરક્ષકો ઉપર હુમલો કર્યો access_time 7:07 pm IST