Gujarati News

Gujarati News

News of Tuesday, 22nd May 2018

યુ.એસ.માં એશિઅન અમેરિકન સિનીઅર્સ એશોશિએશન ઓફ શેયરવિલના ઉપક્રમે ‘‘મધર્સ ડે'' ઉજવાયોઃ ઉજવણી અંતર્ગત ગુજરાત તથા ઝિમ્‍બાબ્‍વેના ગ્રામ્‍ય વિસ્‍તારના બાળકોના શિક્ષણ માટે ચેરીટી ફંડ એકત્રિત કરાયું

શેયરવિલઃ યુ.એસ.માં એશિઅન અમેરિકન સિનીઅર્સ એશોશિએશન ઓફ શેયરવિલના ઉપક્રમે ૧૧મે ૨૦૧૮ના રોજ મધર્સ ડેની ઉજવણી કરવાની સાથે ગુજરાત તથા ઝિંબાબ્‍વેના ગ્રામ્‍ય વિસ્‍તારના બાળકોના અભ્‍યાસાર્થે ચેરીટી ફંડ એકત્રિત કરવાના શુભ આશયથી, મેડીકેર ઇન્‍સ્‍યુરન્‍સ એડવાઇઝર શ્રી ગટુભાઇ મિસ્‍ત્રીના સહયોગથી ‘‘ચિનગારી''નો ગીત, ગઝલ તથા ગરબાનો કાર્યક્રમ યોજાઇ ગયો.

એન્‍ટારિઓ (કેનેડા)સ્‍થિત ગાયક શ્રી કિરીટભાઇ મિસ્‍ત્રી ‘‘સુર,સંગીત અને ગઝલ'' ગૃપના નેજા હેઠળ સુગમ સંગીત, નવા અને જુના ફિલ્‍મી ગીતો, ભજન સંધ્‍યા, અને નવરાત્રિ ગરબાના કાર્યક્રમો આપે છે. તેમણે ગીતોનો રસથાળ પીરસ્‍યો હતો. તેમજ જર્સી સીટી સ્‍થિત ગાયક પ્રિતી કુંડલર અને શેયરવિલ નિવાસી જાણીતા ગાયક શ્રી ચિરાગ ત્રિવેદી દ્વારા પણ રજુ કરાયેલા ગીતોને સહુઓ તાળીઓના ગળગળાટથી નવાજી પ્રોત્‍સાહિત કર્યા હતા. છેવટે શ્રી કિરીટભાઇ મિસ્‍ત્રીએ બહેનો માટે ગરબા રમાડી સનેડો રજુ કરતા ‘મધર્સ ડે''ની ઉજવણીનો સહુએ આનંદ માણ્‍યો હતો.

સંસ્‍થામાં છેલ્લા ૧૫ વર્ષથી સેક્રેટરી તરીકે સેવા આપતા શ્રી મંજુલાબેન પટેલને પ્રમુખશ્રી સુભાષ દોશીએ કામગીરની પ્રશંસા રૂપ પ્‍લેક આપી સન્‍માનિત કરી આભાર માન્‍યો હતો. તે સાથે ગાયક શ્રી કિરીટભાઇ મિસ્‍ત્રી, તથા કાર્યક્રમના સહાયક મેડીકેર ઇન્‍સ્‍યુરન્‍સ એડવાઇઝર શ્રી ગટુભાઇ મિસ્‍ત્રીનો સહદય આભાર માન્‍યો હતો.

આ પ્રસંગે આમંત્રિત શ્રી દિપક શાહ શ્રી મુકુંદ ઠાકર, શ્રી રમણ શાહ, શ્રી  પોપટ પટેલ, શ્રી સુભાષ શાહ, ટીવી એશિયાના શ્રી ઠાકોર બલસારા, જસ્‍ટ લાઇટ હોમના શ્રી નિલેશ પટેલ, શ્રી જી.કે.પટેલ, સુશ્રી સુશીલા પટેલ, શ્રી બાબુ પટેલ, શ્રી સુરેશ શહા, શ્રી બિપીન શુકલ, શ્રી કિર્તી શાહ, શ્રી કેશવજી ગડા, શ્રી વિઠલ પટેલ શ્રી આર ડી પટેલ, શ્રી નવિન અમિત, શ્રી અરવિંદ પટેલ, શ્રી ગોવિંદ શાહ, શ્રી પ્રવિણ તંબોલી, તથા અન્‍ય, હાજર સહુનો લાગણીસભર આભાર વ્‍યક્‍ત કર્યો હતો.

અંતમાં ખુશ્‍બુ રેસ્‍ટોરન્‍ટના મજેદાર ભોજનનો આનંદ માણી સહુ વિદાય થયા હતા. તેવું શ્રી ગોવિંદ શાહ દ્વારા જાણવા મળે છે.

(12:01 am IST)
  • ડોક્ટર્સ વિધાઉટ બોડર્સે શનિવારે જણાવ્યું હતું કે, માનવ તસ્કરો દ્વારા બંધક બનાવીને રાખવામાં આવેલા 100થી વધુ પ્રવાસીઓ અને શરણાર્થીઓને ઉત્તર પશ્ચિમ લીબિયાની ગુપ્ત જેલમાંથી ભાગવા દરમિયાન ગોળી મારવામાં આવી હતી. આ ઘટનામાં ઘણા લોકોને ઈજા પહોંચી છે. વિશ્વ સ્વાસ્થ્ય સંગઠ WHOને કહ્યું છે કે, બુધવારે (23 મે) રાત્રે થયેલી આ ઘટનામાં બચેલા લોકોએ જણાવ્યું હતું કે આ ઘટનામાં ઓછામાં ઓછા 15 લોકોના મોત થયા છે અને 40 લોકોને ઈજા પહોંચી છે. આ ઘટનામાં મહિલાઓ વધુ ભોગ બની છે. access_time 1:22 am IST

  • મુંબઈની તરતી રેસ્ટોરન્ટ સમુદ્રમાં ડૂબી : મુંબઈના માહિમ ખાતે બાંદરા-વરલી સી લિંક પાસે સમુદ્રમાં તરતી રેસ્ટોરન્ટ ડૂબી જતા 15 લોકો ડૂબ્યા હતા. જો કે સદનસીબે આ તમામ લોકોને બચાવી લેવાયા હતા. એક મોટી શિપને તરતી રેસ્ટોરન્ટમાં ફેરવવામાં આવી હતી. આ આર્ક ડેક બાર રેસ્ટોરન્ટ સમુદ્રના કિનારાથી લગભગ દોઢ કિલોમીટર અંદર હતી. જહાજમાં પાણી ભરાવાથી દુર્ઘટના સર્જાય હતી. પોલીસ દ્વારા આ ઘટનાની વધુ તપાસ હાથ ધરાય છે. access_time 2:09 pm IST

  • કેન્દ્રમાં એનડીએ સરકારનાં ચાર વર્ષ પુર્ણ થવા પ્રસંગે કોંગ્રેસ સહિત મોટા ભાગનાં વિપક્ષી દળો મોદી સરકાર પર હૂમલા કરી રહી છે. બીજી તરફ કર્ણાટકનાં હાલમાં જ મુખ્યમંત્રી બનેલા એચ.ડી કુમાર સ્વામીએ કેન્દ્રની એનડીએ સરકારને શુભકામના પાઠવી છે. જેડીએસ નેતાએ જો કે મોદી સરકારને લોકોની અપેક્ષાઓ પર ખરા ઉતરવા અંગેનાં સવાલ પર કોઇ સ્પષ્ટ જવાબ આપવાનું ટાળ્યું હતું. કુમાર સ્વામીએ કહ્યું કે આ અંગે લોકોએ નક્કી કરવાનું છે. access_time 1:23 am IST