Gujarati News

Gujarati News

News of Tuesday, 22nd May 2018

ઇંગ્‍લેંડમાં ગુજરાતી મૂળની મહિલા જેસિકા પટેલની હત્‍યા મામલે પતિ મિત પટેલની ધરપકડ

લંડનઃ ઇંગ્‍લેંડમાં સ્‍થાયી થયેલી ગુજરાત મૂળની ફાર્માસિસ્‍ટ મહિલા ૩૪ વર્ષીય જેસીકા પટેલની ગયા સોમવારે થયેલી હત્‍યા મામલે તેના પતિ ૩૬ વર્ષીય મિતેશ પટેલની ધરપકડ થતા મામલો વધુ ગૂંચવાયો છે તેવું સમાચાર સૂત્રો દ્વારા જાણવા મળે છે.

ઇંગ્‍લેંડના મિડલ્‍સબોરો ટાઉનના લિન્‍થોર્પે સબર્બમાં રહેતી જેસિકાનો મૃતદેહ સોમવારે મળી આવતા તેના ઉપર અનેક ગંભીર ઇજાઓના નિશાન જોવા મળ્‍યા હતા. પતિ મિત પટેલ સાથે કેમિસ્‍ટ શોપ ચલાવતી જેસિકા તથા મિત વચ્‍ચે બહુ સારા સંબંધો હતા. તેવુ આડોશ પડોશમાં રહેતા લોકોનું મંતવ્‍ય છે જેસિકા કોલેજકામ દરમિયાન મિતના પરિચયમાં આવતા બંનેએ લગ્ન કર્યા હતા. તથા સુખી સંસંરા ભોગવતા હોવાનો અભિપ્રાય જાણવા મળતો હતો. તેથી પતિની ધરપકડ થવાથી મામલો વધુ ગૂંચવાયો હોવાનું સમાચાર સૂત્રો દ્વારા જાણવા મળે છે

(12:00 am IST)
  • મુંબઈની તરતી રેસ્ટોરન્ટ સમુદ્રમાં ડૂબી : મુંબઈના માહિમ ખાતે બાંદરા-વરલી સી લિંક પાસે સમુદ્રમાં તરતી રેસ્ટોરન્ટ ડૂબી જતા 15 લોકો ડૂબ્યા હતા. જો કે સદનસીબે આ તમામ લોકોને બચાવી લેવાયા હતા. એક મોટી શિપને તરતી રેસ્ટોરન્ટમાં ફેરવવામાં આવી હતી. આ આર્ક ડેક બાર રેસ્ટોરન્ટ સમુદ્રના કિનારાથી લગભગ દોઢ કિલોમીટર અંદર હતી. જહાજમાં પાણી ભરાવાથી દુર્ઘટના સર્જાય હતી. પોલીસ દ્વારા આ ઘટનાની વધુ તપાસ હાથ ધરાય છે. access_time 2:09 pm IST

  • કેન્દ્રમાં એનડીએ સરકારનાં ચાર વર્ષ પુર્ણ થવા પ્રસંગે કોંગ્રેસ સહિત મોટા ભાગનાં વિપક્ષી દળો મોદી સરકાર પર હૂમલા કરી રહી છે. બીજી તરફ કર્ણાટકનાં હાલમાં જ મુખ્યમંત્રી બનેલા એચ.ડી કુમાર સ્વામીએ કેન્દ્રની એનડીએ સરકારને શુભકામના પાઠવી છે. જેડીએસ નેતાએ જો કે મોદી સરકારને લોકોની અપેક્ષાઓ પર ખરા ઉતરવા અંગેનાં સવાલ પર કોઇ સ્પષ્ટ જવાબ આપવાનું ટાળ્યું હતું. કુમાર સ્વામીએ કહ્યું કે આ અંગે લોકોએ નક્કી કરવાનું છે. access_time 1:23 am IST

  • પાટીદાર પંચાયતમાં વિવાદ : દિનેશ બાંભણીયાએ હાર્દિકને લખ્યો પત્ર : હાર્દિકે ફકત પબ્લીસીટી મેળવવા રાજકીય પાર્ટીઓને પત્ર લખ્યાનો આક્ષેપ : ધાર્મિક સંસ્થા અને શહીદ પરિવારને આમંત્રણ નહિં અપાતા પાટીદાર પંચાયતમાં થયો વિવાદ : પંચાયતમાં નહિં જવાનો નિર્ણય જાહેર કરતા બાંભણીયા access_time 7:09 pm IST