Gujarati News

Gujarati News

News of Friday, 26th February 2021

ચીનમાં ' ટુ ચાઈલ્ડ પોલીસી ' નો ઉલાળિયો : બે સંતાનને બદલે પાંચ દીકરા અને બે દીકરી સહીત સાત સંતાનને જન્મ આપ્યો : કાયદાનો ભંગ કરનાર દંપતીને 1 લાખ 55 હજાર ડોલર ( અંદાજે 1 કરોડ રૂપિયા ) નો દંડ કરાયો

બેજિંગ : ચીનમાં સરકારે કૂદકે ને ભૂસકે વધી રહેલી વસતિને નિયંત્રણમાં રાખવા ટુ ચાઈલ્ડ પોલિસી અમલી કરી છે.જોકે આ પોલીસીનો બહુ અમલ થતો જણાતો નથી.બે બાળકોને બદલે ત્રણથી ચાર બાળકો પેદા કરનારા દંપતી તો ઘણા છે.પરંતુ તાજેતરમાં સ્થાનિક મીડિયામાં પ્રસિદ્ધ થયેલા સમાચાર મુજબ એક દંપતી કે જેમાં સ્ત્રીની ઉંમર 34 વર્ષ છે અને પુરુષની ઉંમર 39 વર્ષ છે તેણે સાત બાળકોને જન્મ આપ્યો છે.જે પૈકી પાંચ દીકરા અને બે દીકરીઓ છે.

આ બાબત સરકારના ધ્યાનમાં આવતા દંપતીને 1 લાખ 55 હજાર ડોલરનો દંડ કરાયો છે.ભારતીય ચલણ મુજબ આ રકમ  અંદાજે 1 કરોડ રૂપિયા ઉપરાંત થવા જાય છે.જો દંપતી આ રકમ ન ભરે તો સરકાર તેમના સંતાનોને કાયદેસર માન્યતા આપે નહીં તેથી તેઓને મળવાપાત્ર સરકારી લાભો મળી શકે નહીં તેવું સમાચાર સૂત્રો દ્વારા જાણવા મળે છે.

(8:03 pm IST)
  • મમતાના પ્રધાન ઉપર બોમ્બ ઝીંકાયો : બેની ધરપકડ : મમતા બેનરજીના તૃણમૂલ કોંગ્રેસ સરકારના પ્રધાન ઝાકીર હુસેન ઉપર બોમ્બ હુમલા અંગે બેની પશ્ચિમ બંગાળ સીઆઇડીએ ધરપકડ કર્યાનું જાહેર થયું છે. access_time 3:55 pm IST

  • આંદામાન સાગરમાં ભટકતી બોટની શોધ : રોહીંગ્યા શરણાર્થીઓની ગૂમ થયેલી બોટને શોધવામાં ભારતીય તટરક્ષક દળ મદદ કરી રહયું છે. આ નૌકા ૧પ દિ' પહેલા બાંગ્લાદેશથી રવાના થયા પછી ખરાબ થઇ ગયેલ. આ નૌકામાં ૯૦ લોકો છે. જેમની હાલત ખરાબ છે અને તે પૈકી ૮ના મોત થયાની આશંકા છે. જો કે આ નૌકા કયાં છે તે જાણવા મળતુ નથી. આ બોટમાં સવાર રપ વર્ષીય યુવાનની માતા નસીમા ખાતુન કહે છેકે પોતાનો પુત્ર ૪ લીટર પાણી માત્ર સાથે લઇને ગયો છે અને આ લોકો ભુખથી તડપી રહયા છે અને માર્ગ ભુલી ગયા છે. access_time 12:52 pm IST

  • કર્ણાટકના સાંસદો અને પ્રધાનોને બખ્ખા : લાખો રૂ.ની નવીનક્કોર કાર લેવાની મંજૂરી : કર્ણાટકની ભાજપ સરકારે તેના પ્રધાનો અને સાંસદો માટે એક ૨૦થી ૨૨ લાખ રૂપિયા ૧૦૦ શોરૂમ ભાવની નવી મોટર કાર ખરીદવાની મંજૂરી આપી દીધી છે access_time 3:55 pm IST