Gujarati News

Gujarati News

News of Monday, 26th February 2018

કેનેડાના રાજકારણને ધાર્મિક કટ્ટરતા સાથે કોઇ સંબંધ નથીઃ ભારતની મુલાકાત સમયે પ્રાઇમ મિનીસ્‍ટર જસ્‍ટીન ટ્રુડો સાથે આવેલા ઇન્‍ડો કેનેડીયન પૂર્વ મહિલા MP સુશ્રી રૂબી ધલ્લાની સ્‍પષ્‍ટતાઃ ખાલિસ્‍તાન મુદે અમુક શીખો દ્વારા ચલાવાતી ચળવળ બદલ નારાજગી વ્‍યકત કરી

ન્‍યુદિલ્‍હીઃ કેનેડાના રાજકારણને ધાર્મિક કટ્ટરતા સાથે કોઇ સંબંધ નથી અમુક શીખો દ્વારા ભારતમાં ખાલિસ્‍તાન મુદે ચલાવતી ચળવળ અંગે ચોખવટ કરતા કેનેડાના પૂર્વ મહિલા શીખ એમ.પી.સુશ્રી રૂબી ધલ્લાએ જણાવ્‍યું હતું કે કેનેડામાં વસતા બધા શીખોને આ બાબત સાથે જોડી શકાય નહી થોડા ઘણા શીખો આ કટ્ટરતા સાથે જોડાયેલા હોઇ શકે છે. પરંતુ કેનેડાના પ્રાઇમ મિનીસ્‍ટર જસ્‍ટીન ટ્રુડોની ભારતની મુલાકાત વખતે આ બાબતને ધ્‍યાનમાં રાખવામાં આવી તે કમનસીબી છે તેવું તેમણે જણાવ્‍યું હતું.

તેમણે ઉમેર્યુ હતું કે કેનેડામાં વસતા શીખો યુનાઇટેડ ઇન્‍ડિયામાં માને છે સુશ્રી રૂબી કેનેડીયન હાઉસ ઓફ કોમન્‍સમાં સ્‍થાન મેળવનાર સૌપ્રથમ શીખ મહિલા છે. જેઓ જસ્‍ટીન ટ્રુડોની ભારત મુલાકાત સમયે તેમની સાથે હતા તથા બંને દેશો વચ્‍ચેના સંબંધો ગાઢ બનાવવાના હિમાયતી છે.

(9:34 pm IST)
  • એનડીટીવી સામે આકરી કાર્યવાહી નહીં કરવા ઈન્કમટેકસને હાઈકોર્ટનો આદેશ : ઈન્કમટેકસ વિભાગે એનડીટીવી પર આકારણી વર્ષ ૨૦૦૯-૧૦માટે રૂ.૪૩૬.૮૦ કરોડની પેનલ્ટી લાદી છે અને સમાચાર સંસ્થાએ આઈટી વિભાગના આદેશ વિરૂદ્ધ દિલ્હી હાઈકોર્ટમાં રિટ પિટિશન દાખલ કરી છે access_time 3:44 pm IST

  • મહેસાણાના ગોપીનાળા અને ડેરી રોડ પર વન-વેના વિરોધમાં આજે રોડ પર લોકોએ ચક્કાજામ કર્યો હતો. જોકે ડીવાસએસપી અને બી ડિવિઝન પોલીસને કાફલો દોડી આવ્યો હતો.અને રસ્તો ખુલ્લો કરાવ્યો હતો. access_time 3:51 pm IST

  • શ્રીદેવીનું મોત મામલો : હવે હોટલના સીસીટીવી ફૂટેજની થશે તપાસ : સરકારી વકીલ ઓટોપ્સી રિપોર્ટથી સંતુષ્ટ નથી : બોલીવૂડની જાણીતી એક્ટ્રેસ શ્રીદેવીના પાર્થિવ દેહને ભારત લાવવામાં હજુ સફળતા નથી મળી શકી. હજુ સુધી શ્રીદેવીના મોતનું કારણ સામે આવી ચૂક્યું છે. દુબઈ ફોરેન્સિક ડિપાર્ટમેન્ટ કોઈપણ પ્રકારના ગુનાઈત ષડયંત્રને નકારી ચૂક્યું છે, પંરતુ પબ્લિક પ્રોસિક્યૂશન ઓટોપ્સી રિપોર્ટથી સંતુષ્ટ ન હોવાનું જણાવાઈ રહ્યું છે. પબ્લિક પ્રોસિક્યૂશને એ હોટલના સીસીટીવી ફૂટેજ મંગાવ્યા છે, જે હોટેલમાં શ્રીદેવીનું મોત થયું હતું. access_time 12:57 am IST