Gujarati News

Gujarati News

News of Tuesday, 24th November 2020

અમેરિકામાં અત્યાર સુધીમાં સૌથી વધુ NRI ચૂંટાઈ આવવાનો જશ્ન ઉજવી રહેલ GOPIO અને IMPACT : 1980 ની સાલમાં માત્ર બે એનઆરઆઈ કાઉન્સિલર તરીકે ચૂંટાઈ આવ્યા હતા : 2020 ની સાલમાં વાઇસ પ્રેસિડન્ટ સહીત રેકોર્ડ બ્રેક સંખ્યામાં NRI ચૂંટાઈ આવ્યા

વોશિંગટન : અમેરિકામાં 1980 ની સાલમાં  માત્ર બે ઇન્ડિયન અમેરિકન નાના શહેરોમાં કાઉન્સિલર તરીકે ચૂંટાઈ આવ્યા હતા ત્યાર પછીની 20 વર્ષની મંજિલ દરમિયાન વાઇસ પ્રેસિડન્ટ સહીત રેકોર્ડ બ્રેક સંખ્યામાં એનઆરઆઈ ચૂંટાઈ આવ્યા છે.

ગ્લોબલ ઓર્ગેનાઇઝેશન ઓફ પીપલ ઓફ ઇન્ડિયન ઓરિજીન ( GOPIO )  ચેરમેન ડો.થોમસ અબ્રાહમે આ બાબતને ગૌરવ સમાન ગણાવી હતી. તેમજ ઇન્ડિયન અમેરિકન ઈમ્પૅક્ટ ફંડ ( IMPACT  )  કો-ફાઉન્ડર શ્રી રાજ ગોયલે એ પણ આ માટે હર્ષ વ્યક્ત કર્યો હતો.

રેકોર્ડ બ્રેક સંખ્યામાં એનઆરઆઈ ચૂંટાઈ આવતા તેનો જશ્ન મનાવવા માટે ઝૂમ માધ્યમ દ્વારા GOPIO  તથા IMPACT  ના સંયુક્ત ઉપક્રમે કાર્યક્રમ ઉજવાયો હતો.જેનું જુદી જુદી ટી.વી.ચેનલો દ્વારા લાઈવ પ્રસારણ કરાયું હતું .

કાર્યક્રમ અંતર્ગત શ્રી રાજ ગોયલે એ જણાવ્યું હતું કે ઇન્ડિયન અમેરિકનો ચૂંટાઈ આવે તે માટે 10 મિલિયન ડોલરનું ચૂંટણી ફંડ ભેગું કરાયું હતું .

GOPIO ચેરમેન ડો.થોમસ અબ્રાહમે જણાવ્યું હતું કે આગામી દિવસોમાં નવી પેઢી રાજકારણમાં આવે તે માટે પ્રયાસો કરાશે .

આ તકે ચૂંટાઈ આવેલા પ્રતિનિધિઓએ પોતાના અનુભવો શેર કરી હર્ષ વ્યક્ત કર્યો હતો.તેવું યુ.એન.એન.દ્વારા જાણવા મળે છે.

(8:41 pm IST)
  • રાજસ્થાનમાં વધુ ૧૯ મોત: નવા 3314 કેસ : રાજસ્થાનમાં વધુ 19 મોત સાથે કોવિદનો મૃત્યુઆંક વધીને 2200 ઉપર પહોંચ્યો છે. નવા 3,314 કોરોનાના કેસો નોંધાતા કુલ કોરોના કેસોનો આંક 2,50,482 પર પહોંચ્યો છે. access_time 9:54 pm IST

  • મનોજ સીસોદીયા ઉપર ભાજપ બરાબર તૂટી પડ્યુઃ દિલ્હીના ઉપમુખ્યમંત્રી 'આપ' પક્ષના મનીષ સીસોદીયા એક લગ્નમાં 'માસ્ક' પહેર્યા વિના ઉપસ્થિત રહેતા ભાજપે ટ્વીટમાં લખ્યુ છે કે 'ચલણ માત્ર જનતા ભરશે અને આપ તે પૈસાની જાહેરાત આપશો' access_time 3:48 pm IST

  • થાણેમાં મહારાષ્ટ્ર નવનિર્માણ સેનાના નેતા જમીલ શેખની ગોળી મારી હત્યા થઈ છે. મોટરસાયકલ ઉપર આવેલા બે અજાણ્યા શખ્સોએ શેખનો પીછો કરી માથામાં ગોળી મારી હત્યા કરી હતી. access_time 8:40 am IST