Gujarati News

Gujarati News

News of Monday, 21st September 2020

પાકિસ્તાનમાં લઘુમતી કોમની યુવતીઓનું અપહરણ કરવાનો સિલસિલો હજુ પણ ચાલુ : પંજાબ પ્રાંતમાંથી 22 વર્ષીય શીખ યુવતીનું અપહરણ : જબરદસ્તી મુસ્લિમ ધર્મ અંગીકાર કરાવી શાદી કરાવી લીધાની યુવતીના પિતાની ફરિયાદ

ઇસ્લામાબાદ : પાકિસ્તાનમાં લઘુમતી કોમની યુવતીઓનું અપહરણ કરવાનો સિલસિલો હજુ પણ ચાલુ છે.તાજેતરમાં પંજાબ પ્રાંતમાંથી 22 વર્ષીય શીખ યુવતીનું અપહરણ કરાયું છે.તથા તેને જબરદસ્તી મુસ્લિમ ધર્મ અંગીકાર કરાવાયો હોવાનું જાણવા મળે છે.
પ્રાપ્ત વિગત મુજબ પંજાબના હસન અબ્દલ શહેર કે જ્યાં શીખોનું પવિત્ર તીર્થધામ ગુરુદ્વારા પંજાસાહેબ  આવેલું છે ત્યાં રહેતા પરિવારની યુવતી કચરો બહાર ફેંકવા ઘરની બહાર ગયા પછી પછી નહીં આવતા પરિવારજનોએ તેની શોધખોળ શરૂ કરી હતી.તેથી તેના પિતાએ પોલીસ ફરિયાદ નોંધાવી હતી.પરંતુ પોલીસ સૂત્રોએ જણાવ્યું હતું કે યુવતીએ ભાગી જતા પહેલા તેના પરિવારને વ્હોટ્સ એપ મેસેજથી જાણ કરી જણાવ્યું હતું કે તે મુસ્લિમ ધર્મ અંગીકાર કરી શાદી કરી રહી છે.
પોલીસ તંત્ર દ્વારા યુવતીને કોર્ટમાં રજુ કરવા માટે તલાશ ચાલુ કરી દેવાઈ છે.દરમિયાન યુવતીના પિતાએ ધાર્મિક બાબતોના મંત્રી નુરુલ હક કાદરી સમક્ષ પણ ફરિયાદ કરી છે.ઘટનાને ગુરુદ્વારા પ્રબંધક કમિટીએ પણ સમર્થન આપ્યું છે.તેવું સમાચાર સૂત્રો દ્વારા જાણવા મળે છે.

(1:24 pm IST)
  • શેરબજારઃ સેન્સેક્સ અને નિફ્ટીમાં મોટો કડાકો, સેન્સેક્સમાં 1147 પોઇન્ટનો ઘટાડો અને નિફ્ટી 337 પોઇન્ટ તુટી, વૈશ્વિક બજારોમાં નરમાઇની ભારતીય બજારમાં અસર, નિફ્ટી 17 જુલાઇ બાદ 10,800ની નીચે જોવા મળી access_time 4:28 pm IST

  • નોબલ પારિતોષિક માટે હવે પુતીનનું નામ નોમિનેટ થયું: ડોનાલ્ડ ટ્રમ્પ પછી હવે રશિયન પ્રમુખ વ્લાદિમીર પુતીનનું નામ નોબલ શાંતિ પારિતોષિક માટે નોમિનેટ કરવામાં આવ્યું છે. જોકે ક્રેમલીને જાહેર કર્યું છે કે અમે પુતિનનું નામ નોમિનેટ કરેલ નથી. access_time 12:17 am IST

  • બિહાર ચૂંટણી : સરકારી નોકરીમાં સવર્ણ ગરીબોને નવી ભેટ આપવાની તૈયારીમાં બિહાર સરકાર : 10 ટકા અનામતના કેન્દ્ર સરકારના નિર્ણયની સાથોસાથ ઉંમરની મર્યાદામાં પણ વધારો કરવાના સંકેત access_time 1:41 pm IST