Gujarati News

Gujarati News

News of Wednesday, 24th June 2020

યુ.એસ.ના ન્યૂજર્સીમાં ઇસ્ટ બ્રન્સવિક ખાતે આવેલા સ્વિમિંગ પુલમાં ડૂબી જવાથી ભારતીય પરિવારના 3 લોકોના કરૂણ મોત : 62 વર્ષીય ભરતભાઈ પટેલ,તેમના પુત્રવધુ 33 વર્ષીય નિશાબેન પટેલ,તથા 8 વર્ષીય દીકરીના મોતથી સમાજ સ્તબ્ધ

યુ.એસ.ના ઇસ્ટ બ્રન્સવિકમાં આવેલા ક્લિયરવ્યુ રોડ , બેકયાર્ડ સ્વિમિંગ પુલમાં સોમવારે ડૂબી ગયેલા 3 લોકોમાં  ભારતીય મૂળના 62 વર્ષીય ભરત પટેલ ,તેમના પુત્રવધુ 33 વર્ષીય નિશા પટેલ ,તથા તેમની પુત્રી 8 વર્ષીય ( નામ જાહેર થયું નથી ) મૃત્ય પામ્યા હોવાનું મિડલસેક્સ કાઉન્ટી એક્ટિંગ પ્રોસિક્યુટર તથા ઇસ્ટ બ્રન્સવિક પોલીસ ચીફે જાહેર કર્યું છે.ત્રણે મૃતકો ક્લિયરવ્યુ રોડ ખાતેના ઘરમાં નિવાસ કરતા હતા.

મિડલસેક્સ કાઉન્ટી રિજિયોનલ મેડિકલ એક્ઝામિનર ઓફિસે ત્રણેના મોતને અકસ્માત તરીકે ગણાવ્યો છે.પડોશીઓના કહેવા મુજબ પરિવાર હજુ થોડા સમય પહેલા જ રહેવા આવ્યો હતો.આ પુલમાં આ અગાઉ પણ ડૂબી જવાથી અકસ્માતે મોત થયેલા છે.

મિડલસેક્સ મેયરે પરિવારના મોત બદલ દુઃખ વ્યક્ત કર્યું છે.મૃત્યુના કારણ અંગે તપાસ ચાલુ છે.કોઈને કઈ માહિતી હોય તો ઇસ્ટ બ્રન્સવિક ડિટેક્ટિવને જાણ કરવા વિનંતી કરાઈ છે.

(12:52 pm IST)
  • જામનગરમાં કોરોનાની સારવાર દરમ્યાન વધુ એક મોત : કૃષ્ણ નગરના 65 વર્ષીય વૃદ્ધનું કોરોનાની સારવાર દરમ્યાન મોત: આજના દિવસે કોરોનાથી જામનગર શહેરમાં બે મૃત્યુ: કોરોનાની સારવાર દરમ્યાન અત્યાર સુધીમાં કુલ 6 મોત થયા : આજરોજ પોઝિટિવ આવેલ કિશાન ચોક વિસ્તારના ૬૫ વર્ષીય પુરુષનું કોવિડ હોસ્પિટલમાં સારવાર દરમિયાન હૃદયની તકલીફથી મૃત્યુ થયેલ છે. દર્દીને બીપીની તકલીફ પણ હતી. access_time 9:13 pm IST

  • ભારત અને ચીનના લશ્કર વચ્ચે ફરી અથડામણ : બંને તરફે સંખ્યાબંધ સૈનિકો ઘવાયા : ભારત - ચીન સરહદે સિક્કીમ સેકટરમાં નાકુ લા નજીક થયેલી અથડામણ : ઉત્તર સિકકીમની સરહદે ભારતીય લશ્કર અને ચીનના લશ્કર (પીએલએ) વચ્ચે નવેસરથી અથડામણો થયાના અહેવાલો મળે છે : શનિવારે આ ઘટના બન્યાનું ટાઈમ્સ નાઉ જણાવે છે : આ પછી બંને બાજુ મંત્રણા થતાં લશ્કર પાછા હટી ગયા છે access_time 3:43 pm IST

  • " મુદ્રા યોજના " : નાના વ્યાવસાયિકોને અપાતી બિનજામીન પાત્ર લોનના વ્યાજ ઉપર 2 ટકા સબસીડી અપાશે : શિશુ લોન તરીકે ઓળખાતી યોજના હેઠળ 50 હજાર રૂપિયા સુધીની લોન આપવામાં આવે છે : વર્તમાન કોવિદ -19 સંજોગોને ધ્યાને લઇ વ્યાજમાં સબસીડી આપવાનો કેબિનેટમાં નિર્ણય લેવાયો : સરકાર ઉપર 1542 કરોડ રૂપિયાનો બોજ આવશે : કેબિનેટે લીધેલા નિર્ણય અંગે માહિતી પ્રસારણ મંત્રી પ્રકાશ જાવેડકરે માહિતી આપી access_time 7:58 pm IST