Gujarati News

વોશિંગટન :  અમેરિકાના વિદેશ મંત્રી માઈક પોમ્પીઓ આગામી સપ્તાહમાં 25 થી 27 જૂન દરમિયાન ભારતની મુલાકાતે આવી રહ્યા છે.તે અંગે વિદેશ વિભાગના અધિકારીએ શુક્રવારે જણાવ્યું કે, પોમ્પિયો યાત્રા દરમિયાન H-1B વિઝા મામલે ભારતને મહત્તમ રાહત આપવાનો વિશ્વાસ અપાવશે.

 H-1B વિઝા ભારતીય આઇ ટી પ્રોફેશનલ્સમાં વધુ લોકપ્રિય છે.આ નોન-ટૂરિઝમ વિઝા છે, જે અમેરિકન કંપનીઓને ટેક્નોલોજીના નિષ્ણાત તરીકે વિદેશ કર્મચારીઓ રાખવાની મંજૂરી આપે છે. થોડા દિવસ પહેલાં એવું જાણવા મળ્યું હતું કે, અમેરિકા H-1B વિઝાની સંખ્યા સીમિત કરવાનું વિચારી રહી છે, જે વિદેશી કંપનીઓને સ્થાનિક સ્તર પર ડેટા સ્ટોર કરવા મજબૂર કરે છે.તેવા સંજોગોમાં પોમ્પીઓની ભારત મુલાકાત આ બાબતે પ્રકાશ પાડનારી બની રહેશે તેવી ધારણા છે. જોકે અમેરિકન અધિકારીના જણાવ્યા પ્રમાણે આ યાત્રાનું ફોકસ ભારતની સાથે વેપારને સુધારવા પર રહેશે.તેમનું ફોક્સ ઈરાન પર દબાણ વધારવાનું અને ભારત સાથે સહયોગ વધારવાનું છે. H-1B વિઝા મામલે ભારત-અમેરિકાના સંબંધો ખૂબ મહત્વના છે.