Gujarati News

Gujarati News

News of Tuesday, 24th April 2018

પાકિસ્‍તાનના મુસ્‍લિમ યુવકને પરણી ગયેલી ભારતની શીખ યુવતિના વીઝાની મુદત વધારી આપોઃ ૩૦ દિવસમાં નિર્ણય લેવા લાહોર કોર્ટનો સ્‍થાનિક ગૃહ મંત્રાલયને આદેશ

ઇસ્‍લામાબાદઃ વૈશાખી તહેવાર ઉજવવા માટે પાકિસ્‍તાન ગયેલી ભારતના પંજાબની શીખ યુવતિ ૩૧ વર્ષીય કિરણ બાલાએ ૧૫ એપ્રિલ ૨૦૧૮ના રોજ સ્‍થાનિક મુસ્‍લિમ યુવક સાથે લગ્ન કરી લઇ મુસ્‍લિમ ધર્મ અંગીકાર કરી લીધો હતો. તથા પોતાના વીઝાની મુદત ૩૧ એપ્રિલના રોજ પૂરી થતી હોવાથી આ મુદત વધારી આપવા સ્‍થાનિક દૂતાવાસને અરજી કરી હતી. તથા ભારત પરત ફરવામાં જાનનું જોખમ હોવાનું જણાવ્‍યુ હતુ. સાથોસાથ લાહોર હાઇકોર્ટમાં પણ આ મુદે દાદ માંગી હતી. જેના અનુસંધાને આ યુવતિના વીઝા ૬ માસની મુદત માટે વધારી આપવાની જોગવાઇ અંગે તપાસ કરવા હાઇકોર્ટએ સ્‍થાનિક ગૃહ મંત્રાલયને હુકમ કર્યો છે. તેવું સમાચાર સૂત્રો દ્વારા જાણવા મળે છે.

(9:59 pm IST)
  • દેવભૂમિ દ્વારકાના મીઠાપુરમાં ચાર વર્ષ પહેલા માતા અને તેની બન્ને પુત્રીઓની હત્યામાં, ત્રીપલ મર્ડરના કેસમાં ખંભાળિયા કોર્ટે આરોપી રામજાન ઉર્ફે મનન આમદ સોઢાંને આજીવન કારાવાસની સજા સંભળાવી છે. access_time 8:43 pm IST

  • મહારાષ્ટ્રના ગઢચિરોલીમાં સુરક્ષા દળોએ વધુ 6 નક્સલવાદીઓને ફૂંકી માર્યા : અગાઉ રવિવારના રોજ કર્ણાસુર જંગલમાં સુરક્ષાદળોએ 16 નકસલવાદીઓને ઠાર કર્યા હતા : છેલ્લા 48 કલાકમાં, સુરક્ષા દળોએ 22 નક્સલવાદીઓને મારી નાખ્યા છે:સોમવારે અહારી તાલુકાના રાજારામ ખલ્લા ગામમાં છ માઓવાદીઓને પથ્થરોથી પથ્થરમારો કરવામાં આવ્યો હતો. access_time 1:23 am IST

  • અહો આશ્ચર્યમ ;ડોનાલ્ડ ટ્રમ્પએ ઉત્તર કોરિયાના શાસક કિમ જોંગની કર્યા વખાણ :ટ્રમ્પએ કહ્યું કિમ અત્યંત આદરણીય વ્યક્તિ છે ;તેઓ બન્ને વચ્ચે વહેલીતકે બેઠક યોજાશે.:અમેરિકા કિમ જોંગની ક્રૂરતા અને છેતરપિંડી માટે લાંબા સમય માટે ટીકા કરી રહ્યું છે,તેવામાં અમેરિકન રાષ્ટ્રપતિ ટ્રમ્પએ ઉત્તર કોરિયાના નેતાની પ્રશંસા કરતા આશ્ચર્ય ફેલાયું છે access_time 1:29 am IST