Gujarati News

Gujarati News

News of Friday, 20th April 2018

અમેરિકાની કેબિનેટમાં સ્‍થાન મેળવવાનો વિક્રમ ધરાવતા ઇન્‍ડિયન અમેરિકન મહિલા સુશ્રી નિક્કી હેલીનું પદ જોખમમાં: પ્રેસિડન્‍ટ ટ્રમ્‍પ સાથેના સંબંધોમાં તિરાડ પડયાનું અનુમાનઃ ૨૦૨૦ની સાલમાં ટ્રમ્‍પના પ્રતિસ્‍પર્ધી તરીકે ઊભરી આવે તેવી શક્‍યતા જણાતા ગમે ત્‍યારે હોદા ઉપરથી દૂર કરી દેવાશે તેવી અફવા

વોશીંગ્‍ટનઃ અમેરિકાની કેબિનેટમાં  સૌપ્રથમવાર સ્‍થાન મેળવવાનો વિક્રમ ધરાવતા ઇન્‍ડિયન અમેરિકન મહિલા સુશ્રી નિક્કી હેલી તથા પ્રેસિડન્‍ટ ડોનાલ્‍ડ ટ્રમ્‍પ વચ્‍ચેના સંબંધોમાં તિરાડ પડી હોવાનું સ્‍થાનિક સમાચાર પત્રો દ્વારા જાણવા મળે છે.

યુનાઇટેડ નેશન્‍શમાં અમેરિકાના એમ્‍બેસેડર તરીકે નિમાયેલા સુશ્રી નિક્કીએ રશિયા તથા અમેરિકા વચ્‍ચેના વિવાદ મામલે કરેલા વિધાનોથી ટ્રમ્‍પ ખફા થયા હોવાનું માનવામાં આવે છે. જો કે સુશ્રી નિક્કીના જણાવ્‍યા મુજબ તેમણે વ્‍હાઇટ હાઉસ સૂત્રોમાંથી મળેલી માહિતીના આધારે નિવેદનો કર્યા હતા.

સાથોસાથ ૨૦૨૦ની સાલમાં પણ અમેરિકાના પ્રેસિડન્‍ટ તરીકે ચૂંટણી લડવા માંગતા ડોનાલ્‍ડ ટ્રમ્‍પને આ ઇન્‍ડિયન અમેરિકન મહિલા તેમના પ્રતિસ્‍પર્ધી રૂપે દેખાઇ રહ્યા હોવાનું પણ અનુમાન થઇ રહ્યું છે.

આ બધી બાબતોને ધ્‍યાને લેતા સુશ્રી નિક્કીને કદાચ તેમના પદ ઉપરથી દૂર કરવામાં આવે તેવું અનુમાન થઇ રહ્યુ હોવાનું  સમાચાર સૂત્રો દ્વારા જાણવા મળે છે.

(10:56 pm IST)
  • પાટણનાં મીઠીધારીયાલ ગામ પાસે જીપનો થયો ભયંકર અકસ્માત : અકસ્માતમાં ત્રણ લોકોના મોત : ઘણા લોકો ઘાયલ થયા હોવાનું પ્રાથમિક જાણવા મળી રહ્યું છે. access_time 8:43 pm IST

  • અમેરિકા - ટેનેસીનાં નેશવીલમાં એક વેફલ હાઉસમાં રવિવવારે થયેલ ભયંકર ગોળીબાર કરનાર કથિત નગ્ન હુમલાખોર, ૨૯ વર્ષીય ટ્રાવીસ રેનકિંગને પોલીસે દબોચી લીધો : ગઈકાલની દુર્ભાગ્યપૂર્ણ ઘટનામાં કુલ ૪ લોકો માર્યા ગયા હતા અને ૪ ઘાયલ થયા હતા : મેટ્રો નેશવીલ પોલીસ ડીપાર્ટમેન્ટે હુમલાખોરની ધરપકડ થયાનું જણાવ્યું હતું access_time 12:02 am IST

  • દિલ્હીનો ખૂંખાર માફિયા ઠાર : નવી દિલ્હી નજીક નોઇડા ખાતે ખૂંખાર માફિયા બલરાજ ભટ્ટી એસટીએફ સાથેનાં એન્કાઉન્ટરમાં ઠાર મરાયો છે access_time 9:59 pm IST