Gujarati News

Gujarati News

News of Saturday, 20th February 2021

' યે દેશ હૈ વીર જ્વાનોકા ' : અમેરિકામાં FISANA ના ઉપક્રમે ભારતનો પ્રજાસત્તાક દિવસ ઉજવાયો : દેશભક્તિ સભર બોલીવુડ ગીતોની રમઝટ તથા સાંસ્કૃતિક કાર્યક્રમ સાથે યુ ટ્યુબ ઉપર લાઈવ નિદર્શન કરાવાયું

દિપ્તીબેન જાની દ્વારા ,ન્યુજર્સી : નોનપ્રોફિટ ફેડરેશન ઓફ ઇન્ડિયન અમેરિકન સિનિયર્સ એશોશિએશન ઓફ નોર્થ અમેરિકા ( FISANA )  ના ઉપક્રમે ભારતનો પ્રજાસત્તાક દિવસ ઉજવાઈ ગયો.
ટ્રીસ્ટેટમાં વસતા ઇન્ડિયન અમેરિકન સીનીઅર સિટીઝન્સને એક છત્ર  હેઠળ રાખતા મિડલસેક્સ કાઉન્ટીમાં કાર્યરત આ ઓર્ગેનાઇઝેશન સાથે ન્યૂજર્સીના વિવિધ 20 સીનીઅર એશોશિએશન  જોડાયેલા છે. જેની સાથે 10 હજાર ઉપરાંત ઈન્ડો અમેરિકન સિનિયર્સ જોડાયેલા છે.
2021 સાલમાં  FISANA  ના ઉપક્રમે  ' માવતર કી મહેક ' શીર્ષક હેઠળ દેશભક્તિ સભર ડિજિટલ કાર્યક્રમ યોજાયો હતો.જેને યુ ટ્યુબ તથા ફેસબુકના માધ્યમ દ્વારા 2 હજાર ઉપરાંત દર્શકોએ નિહાળ્યો હતો.
પ્રજાસત્તાક પર્વની ઉજવણી અંતર્ગત બોલીવુડના જૂની પણ એવરગ્રીન ફિલ્મોના દેશભક્તિ સભર ગીતો જેવા કે ' યે દેશ હૈ વીર જ્વાનોકા 'સહીત જુદાજુદા ગીતોની રમઝટ બોલાવાઇ હતી.ઉપરાંત સૃહ્રદમ એન્ટરટેઇનમેન્ટના શ્રી વિષ્ણુ પટેલ તથા ગાયકો શ્રી પ્રિયંકા બાસુ ,શ્રી મુખ્તાર શાહ ,શ્રી સાની શાહ ,શ્રી ગૌતમ કુમાર ,શ્રી નિલેશ વ્યાસ ,તથા શ્રી પારિષિ વર્માએ સંગીતના સથવારે સુમધુર અને કર્ણપ્રિય ગીતો રજૂ કર્યા હતા.

72 મા પ્રજાસત્તાક પર્વની ઉજવણી નિમિત્તે ચેરમેન શ્રી દિપક શાહ ,પ્રેસિડન્ટ શ્રી રતિલાલ પટેલ ,તથા જનરલ સેક્રેટરી શ્રી વિષ્ણુ પટેલે ભારતના સ્વાતંત્ર્ય સેનાનીઓને યાદ કર્યા હતા.તથા વોલન્ટિયર્સ ,સ્પોન્સર્સ , સમર્થકો , ઓર્કેસ્ટ્રા ,તેમજ દર્શકોનો આભાર માન્યો હતો.તેવું શ્રી વિજય શાહની યાદી દ્વારા જાણવા મળે છે.

(8:11 pm IST)
  • વાહ !!! ક્લાઈમેટ ચેન્જની ચર્ચા દરમિયાન યુએનએસસીની બેઠકમાં ભારતે પ્રથમ વખત સંસ્કૃતનો ઉપયોગ કર્યો : કેન્દ્રીય પર્યાવરણ, વન અને આબોહવા પરિવર્તન પ્રધાન પ્રકાશ જાવડેકરે શુકલા યજુર્વેદના ટૂંકી સ્તુતિ સાથે ભારતના સંબોધનની શરૂઆત કરી હતી. access_time 11:19 pm IST

  • દેશમાં કોરોનાના ધીમીગતિએ વધતા કેસ :રાત્રે 12 વાગ્યા સુધીમાં કોરોનાના નવા 13,462 કેસ નોંધાયા :કુલ કેસની સંખ્યા 1,10,29,326 થઇ :એક્ટિવ કેસ 1,44,027 થયા: વધુ 13,659 દર્દીઓ સ્વસ્થ થતા કુલ 1,07,24,146 થયા :વધુ 100 લોકોના મોત સાથે કુલ મૃત્યુઆંક 1,56,598 થયા access_time 9:01 am IST

  • મધ્યપ્રદેશમાં પણ કોરોનાના કહેરનો ખતરો : મહારાષ્ટ્ર બોર્ડરના જિલ્લામાં એલર્ટ : આરોગ્યમંત્રીએ જિલ્લા ક્રાઈસીસ મેનેજમેન્ટ ગ્રુપ સાથે બેઠક કરી :કોરોના ગાઈડલાઇનનું ચુસ્ત પાલન કરાવવા આદેશ : મહારાષ્ટ્રથી આવનાર પ્રવાસીઓને થર્મલ સ્ક્રીનિંગ કરાશે : મોટા મેળાવડા સહિતના આયોજન પર રોક લગાવાઈ access_time 11:20 pm IST