Gujarati News

ગ્રીસઃ  ગ્રીસમાં વિદેશી રોકાણકારોને આકર્ષવા માટે  ર૦૧૩  ની સાલમાં શરૂ કરાયેલી ‘‘ ગોલ્‍ડન વીઝા '' સ્‍કીમ લંબાવાશે.   જે  મુજબ રીઅલ એસ્‍ટેટ ક્ષેત્રે ૪ લાખ યુરો નું રોકાણ કરનાર વિદેશીઓને  પાંચ વર્ષની રેસીડન્‍સી પરમીટ અપાશે તથા આ સમયગાળા  દરમિયાન તેઓ મુકતપણે દેશમાં હરીફરી શકશે.

આ અગાઉ  ર૦૧૩ ની સાલમાં શરૂ કરાયેલી સ્‍કીમમાં ર,પ૦,૦૦૦ યુરોનું રોકાણ કરવાની જોગવાઇ હતી. હવે દેશના રીઅલ એસ્‍ટેટ તથા અર્થતંત્રને વેગ આપવાના હેતુથી  નવા ફેરફાર સાથેની  ૪ લાખ યુરોના રોકાણવાળી ગોલ્‍ડન વીઝા સ્‍કીમ  ટુંક સમયમાં અમલી બનાવાશે તેવું સમાચાર સૂત્રો દ્વારા જાણવા મળે છે. ઉલ્લેખનીય છે કે ર૦૧૩ ની સાલની સ્‍કીમ હેઠળ  ચીન, રશિયા, તુર્કી  તથા ઇજીપ્ત ના પાંચ હજાર જેટલા  રોકાણકારોએ ગોલ્‍ડન વીઝા લીધા હતા.