Gujarati News

Gujarati News

News of Saturday, 23rd May 2020

પૂર્વ ધારાસભ્ય સ્વ. કાંબલિયાના પુત્રનું અમેરિકામાં કોરોનાથી મૃત્યુ

જુનાગઢ કોર્પોરેશનના પૂર્વ ડે. મેયર નીરૂબેન કાંબલિયાના પુત્ર આનંદ કાંબલિયાએ લોસ એન્જલિસની હોસ્પિટલમાં છેલ્લા શ્વાસ લીધાઃ ઘેરા શોકની લાગણી

જુનાગઢ : પ્રથમ તસ્વીરમાં મૃતક આનંદભાઇ કાંબલિયાનો ફાઇલ ફોટો, બીજી તસ્વીરમાં માતા નીરૂબેન કાંબલિયા તથા પરિવાર સાથે આનંદભાઇ નજરે પડે છે. (તસ્વીરઃ મુકેશ વાઘેલા-જુનાગઢ) 

જુનાગઢ, તા. ર૩ : જુનાગઢના પૂર્વ ધારાસભ્ય સ્વ. ભરતભાઇ કાંબલિયા અને જુનાગઢ ભાજપ અગ્રણી અને પૂર્વ ડેપ્યુટી મેયર નીરૂબેન કાંબલિયાના સુપુત્ર આનંદભાઇ કાંબલિયાનું અમેરિકામાં કોરોનાથી અવસાન થતાં ઘેરો શોક છવાયો છે.

માજી ધારાસભ્ય સ્વ. ભરતભાઇ કાંબલિયા અને ભાજપ અગ્રણી અને જૂનાગઢ મનપાના માજી ડે. મેયર નિરૂબેન કાંબલિયાના સુપુત્ર આનંદભાઇ કાંબલિયાનું અમેરિકાના ફલોરિડા રાજયના લોસ એન્જલિસ શહેર ખાતે શુક્રવારે કોરોનાની બીમારીના કારણે સારવારમાં ખસેડાયા હતાં. જયાં તેમનું મૃત્યુ થયું છે.

સ્વ. આનંદભાઇ કાંબલિયા લોસ એન્જલિસ શહેરમાં પત્ની દક્ષાબેન અને બાળકો સાથે રહેતા હતાં અને એક ઓસ્ટ્રેલિયન કાર કંપનીમાં નોકરી કરતા હતા, પરંતુ એક સપ્તાહ પહેલા વિશ્વવ્યાપી મહામારી કોરોના વાઇરસના સંક્રમણના શિકાર બન્યા હતાં અને તેને લોસ એન્જલિસની હોસ્પિટલમાં સારવાર આપવામાં આવી રહી હતી, પરંતુ ગઇકાલે તેમણે હોસ્પિટલમાં અંતિમ શ્વાસ લીધા હતાં.

(11:42 am IST)
  • પાકિસ્તાનમાં વિમાની દુર્ઘટનાથી ભારતના વડાપ્રધાન શ્રી મોદી દ્રવિત : એકસો જેટલા નિર્દોષ નાગરિકોના મોત બદલ દુઃખ વ્યક્ત કર્યું : ઇજાગ્રસ્તો સાજા થાય તે માટે દુવા માંગી access_time 12:15 pm IST

  • સુપ્રસિદ્ધ એસ્ટ્રોલોજર બેજાન દારૂવાલાને કોરોના પોઝીટીવઃ એપોલોમાં દાખલ : ૮૯ વર્ષના ખૂબ જ જાણીતા એસ્ટ્રોલોજર શ્રી બેજાન દારૂવાલાને કોરોનાનો ટેસ્ટ પોઝીટીવ આવતા તેમના હજારો - લાખો ચાહકો ચિંતામાં મૂકાયા છે : તેઓ ખૂબ જ જાણીતા કોલમીસ્ટ છે : સંખ્યાબંધ પુસ્તકો લખેલા છે : તેમની ગણેશા સંસ્થા ખૂબ પોપ્યુલર છે : અમદાવાદમાં રહે છે : તેમને એપોલો હોસ્પિટલમાં દાખલ કર્યા છે : તેમના પી.એ. શ્રી ચિરાગભાઈનો (મો.૮૧૪૧૨ ૩૪૨૭૫) ઉપર સંપર્ક કરવા પ્રયાસ કરતા ફોન ઉપાડેલ નહિં. access_time 2:15 pm IST

  • મહારાષ્ટ્રમાં આજે એક જ દિવસમાં સૌથી વધુ 2940 કોવિડ -19 કેસ નોંધાયા છે, રાજ્યમાં પોઝિટિવ કેસની કુલ સંખ્યા 44,582 પર પહોંચી છે, જેમાં મુંબઈના ધારાવી વિસ્તારમાં આજે 53 નવા COVID19 પોઝિટિવ કેસ નોંધાયા છે. ધારાવીમાં કુલ પોઝિટિવ કેસ વધીને 1478 અને ધારાવી માજ 57 લોકોના મોત થયા છે: રાજ્ય આરોગ્ય વિભાગ access_time 8:04 pm IST