Gujarati News

Gujarati News

News of Thursday, 23rd May 2019

હેટ ક્રાઇમઃ યુ.એસ.માં ઇન્ડિયન અમેરિકન ઉપર જીવલેણ હુમલો કરનાર ગૂનેગારને ફરમાવાયેલી ૫ વર્ષની જેલસજામાં ઘટાડો કરાયોઃ સારી ચાલ ચલગતને ધ્યાને લઇ ૩ વર્ષના સમયગાળામાં મુકત કરી દેવાનો હુકમ

વોશીંગ્ટનઃ યુ.એસ.ના કિર્કલેન્ડ વોશીંગ્ટનમાં ૮ સપ્ટે.૨૦૧૭ના રોજ ઇન્ડિયન અમેરિકન ૩૮ વર્ષીય સંદીપ રાય ઉપર હુમલો કરી તેનું ગળુ દાબી દઇ હત્યાનો પ્રયાસ કરનાર હેટક્રાઇમ આરોપી ૩૩ વર્ષીય વિલીયમક્રાફટને ૩ વર્ષથી ઓછા સમયમાં જેલસજામાંથી મુકત કરી દેવાશે તેવું સમાચાર સૂત્ર દ્વારા જાણવા મળે છે.

હેટ ક્રાઇમ આરોપી વિલીયમને ગૂનેગાર ઠરાવી માર્ચ ૨૦૧૮માં પાંચ વર્ષની જેલસજા ફરમાવાઇ હતી. જે હેટ ક્રાઇમ માટેની વધુમાં વધુ સજા છે પરંતુ તાજેતરમાં વોશીંગ્ટન સ્ટેટ ડીપાર્ટમેન્ટ ઓફ કરેકશન્શએ તેની સારી ચાલચલગતને ધ્યાને લઇ ૨૮ ઓકટો.૨૦૨૦ના રોજ જેલમુકત કરી દેવાનો નિર્ણય કર્યો છે. આમ ઘટના બન્યા પછી શકમંદ આરોપી તરીકે જેલમાં છકેલાયેલા વિલીયમને ૩ વર્ષ કરતાં પણ ઓછા સમયમાં મુકત કરી દેવાશે. તેવું સમાચાર સૂત્ર દ્વારા જાણવા મળે છે.

(8:32 pm IST)
  • પાટણમાં ભરત ડાભી, મહેસાણાના શારદા પટેલ, અમદાવાદ પૂર્વ હસમુખ પટેલ, સુરેન્દ્રનગર મહેન્દ્ર મુંજપરા, જુનાગઢ રાજેશ ચુડાસમા, અમરેલી નારણ કાછડીયા,ખેડા દેવુસિંહ ચૌહાણ, પંચમહાલ રતન સિંધ ચૌહાણ, દાહોદ જસવંતસિંહ ભાભોર, સાબરકાંઠા દિપસિંહ રાઠોડ ૮૦ હજારથી ૨ લાખ મતે આગળ છે. ૨૬માંથી ૧૦ બેઠકો ભાજપ મેળવી ચૂકેલ છે access_time 4:42 pm IST

  • આંધ્રમાં મોટો સેટબેક ચંદ્રાબાબુનો સફાયો... : આંધ્રની વિધાનસભામાં અને લોકસભામાં ''વાયએસઆરસીપી'' (યુવા જન શ્રમિક રાયથુ કોંગ્રેસ પાર્ટી)એ પ્રચંડ બહુમતી મેળવી ચંદ્રાબાબુ અને તેના તેલુગુ દેશમ પક્ષનો પૂર્ણ સફાયોઃ વાયએસઆરસીપી પક્ષને લોકસભાની ૨૬માંથી ૨૫ બેઠક મળીઃ વિધાનસભામાં આ પક્ષને ૧૭૫માંથી ૧૫૦ બેઠક મળી છે access_time 1:02 pm IST

  • કોંગ્રેસના રાષ્ટ્રીય મહાસચિવ પ્રિયંકા વાડ્રા ગાંધીએ કહ્યું હતું કે, અમે જનતાના ફેસલાનો સ્વીકાર કરીએ છીએ અને વડાપ્રધાન મોદી અને ભાજપના કાર્યકર્તાઓને જીતની શુભેચ્છા આપીએ છીએ. access_time 10:17 pm IST