Gujarati News

Gujarati News

News of Friday, 23rd March 2018

‘‘લેસ્‍બીઅન,ગે,બાઇસેકસ્‍યુઅલ એન્‍ડ ટ્રાન્‍સઝેન્‍ડર (LGBT)'': ભારતમાં LGBTને સમાજનો માનભર્યો હિસ્‍સો ગણાવવા કાર્યરત સંસ્‍થા ‘લક્ષ્ય ટ્રસ્‍ટ'ના લાભાર્થે ન્‍યુયોર્કમાં ફંડ રેઇઝીંગ પ્રોગ્રામ યોજાયો

ન્‍યુયોર્કઃ ગુજરાતના વડોદરામાં લેસ્‍બીઅન, ગે,બાઇસેકસ્‍યુઅલ, તથા ટ્રાન્‍સઝેન્‍ડર લોકોને પણ સમાજના એક હિસ્‍સા તરીકે ગણી માનભર્યુ સ્‍થાન અપાવવા માટે કાર્યરત ‘‘લક્ષ્ય ટ્રસ્‍ટ''ના લાભાર્થે તાજેતરમાં યુ.એસ.ના ન્‍યુયોર્કમાં ૮ માર્ચ ૨૦૧૮ના રોજ ફંડ રેઇઝીંગ પ્રોગ્રામનું આયોજન કરાયું હતું.

આ  પ્રકારનો સૌપ્રથમ ફંડ રેઇઝીંગ પ્રોગ્રામ હયુમન રાઇટસ એકટીવિસ્‍ટ શ્રી જોશુઆ પટેલ દ્વારા આયોજીત કરાયો હતો. જેને ‘‘ઇકવાલીટી ઇન ઇન્‍ડિયા'' નામ અપાયુ હતુ. જેમાં પ્રિન્‍સ માનવેન્‍દ્રસિંહનો વીડિયો મેસેજ તથા ઇન્‍ડો કરેબિઅન ડન્‍સર ઝમનનો ડાન્‍સ દર્શાવાયો હતો. પ્રોગ્રામમાં ૭ હજાર ડોલરનું ફંડ ભેગુ થયુ હતુ. જે તમામ રકમ લક્ષ્ય ટ્રસ્‍ટને મોકલી અપાશે.

(9:47 pm IST)
  • આખરે અમેરિકી રાષ્ટ્રપતિ ટ્રમ્પએ 'નાખુશ' હોવા છતાં, કોંગ્રેસ દ્વારા પાસ કરાયેલ 1.3 ટ્રિલિયનના સરકારી ખર્ચનાં બીલ પર હસ્તક્ષર કરી પાસ કર્યું : ફરી એકવાર અમેરિકી 'શટડાઉન' નું સંકટ ટળ્યું : આ પહેલ વ્હાઈટ હાઉસના સુત્રોએ જણાવ્યું હતું કે રાષ્ટ્રપતિ ટ્રમ્પ આ બીલ પર તેમના હસ્તાક્ષર કરશે, પણ પછી તરતજ ફેરવી તોડ્યું હતું અને ફરી જણાવ્યું હતું કે ટ્રમ્પ આ બીલ પર 'વીટો' વાપરશે : આ પાસ કરાયેલા કાયદામાં સમાવિષ્ટ ઇમિગ્રેશન દરખાસ્તો વિશે ટ્રમ્પને ખુબજ નારાજગી છે : તેમણે આ બીલ પાસ કરતા કોંગ્રેસને ટકોર પણ કરી હતી કે તેઓ ભવિષ્યમાં ફરી પાછા આવા કોઈ પણ 'વાહિયાત' બીલ ને પાસ કરવાની સંમતી નહી આપે. access_time 2:28 am IST

  • અફઘાનિસ્તાનના હેલ્મંડ પ્રાંતના એક સ્પોર્ટ્સ સ્ટેડિયમની બહાર કાર બોમ્બ ધડાકામાં 23 લોકોના મોત થયા છે અને 40 અન્ય લોકો ઘાયલ થયા છે. access_time 9:08 pm IST

  • રામલીલા મેદાન પરથી અણ્ણા હઝારેએ કર્યો હુંકાર - "આ વખતે ખાલી મોઢાંની વાતોથી નહી તોડું ભૂખ હડતાળ, સરકારે નક્કર નિર્ણયો લેવા પડશે." : કૃષિ અંગે સ્વામિનાથન કમિશનના અહેવાલને લાગુ કરવા ઉપરાંત રાજ્યોમાં લોકપાલ અને લોકાયુક્તની નિમણૂકની માંગણી સાથે ભૂખ હડતાળ પર બેઠા છે અણ્ણા હઝારે access_time 2:12 pm IST