Gujarati News

Gujarati News

News of Monday, 22nd February 2021

મેમ્બરશિપ હોટેલ ઓર્ગેનાઈઝેશનના ઉપક્રમે યુ.એસ.ના ન્યૂજર્સીમાં MHO હોટેલ્સનું લોન્ચિંગ કરાયું : 16 ફેબ્રુઆરીના રોજ રોયલ આલબર્ટ પેલેસ ખાતે સૌપ્રથમ એશિયન ઇન્ડિયન હોટેલ ફ્રેન્ચાઈસીસના લોન્ચિંગ પ્રસંગે હોટેલ ઇન્ડસ્ટ્રી સાથે જોડાયેલા અનુભવી અગ્રણીઓએ હાજરી આપી

દિપ્તીબેન જાની દ્વારા ,ન્યુજર્સી : તાજેતરમાં યુ.એસ.ના ન્યૂજર્સીમાં મેમ્બરશિપ હોટેલ ઓર્ગેનાઈઝેશનના ઉપક્રમે  MHO હોટેલ્સનું લોન્ચિંગ કરાયું હતું. 16 ફેબ્રુઆરીના રોજ રોયલ આલબર્ટ પેલેસ ખાતે સૌપ્રથમ એશિયન ઇન્ડિયન હોટેલ ફ્રેન્ચાઈસીસના  લોન્ચિંગ પ્રસંગે છેલ્લા 50 વર્ષ જેટલા સમયથી હોટેલ ઇન્ડસ્ટ્રી સાથે જોડાયેલા અનુભવી અગ્રણીઓએ હાજરી આપી હતી.

લોન્ચિંગ પ્રસંગે 100 જેટલા મહાનુભાવોને આમંત્રિત કરાયા હતા જયારે બાકીનાઓએ  ઝૂમ માધ્યમથી કાર્યક્રમ નિહાળ્યો હતો. ' વી ડુ બેટર ટુગેધર ' સૂત્ર સાથે શરૂ કરાયેલા આ સાહસનો હેતુ એક છત્ર હેઠળ હોટેલ અગ્રણીઓ દ્વારા સંયુક્ત સેવાઓ આપી ખર્ચ ઘટાડવાનો તથા આવક વધારવાનો હેતુ છે.

આ પ્રસંગે ચેરમેન શ્રી સી.ઝેડ.પટેલે સહુનું સ્વાગત કરી  MHO હોટેલ્સ વિષે માહિતી આપી હતી.બાદમાં શ્રી જો જોહલ ,શ્રી મહેન્દ્ર ઝેડ.પટેલ ,શ્રી પ્રતીક પટેલ ,તથા શ્રી કેસીન પટેલ સહિતનાઓની પેનલે  પ્રાસંગિક માહિતી આપી હતી.

લોન્ચિંગ પ્રસંગે ન્યુયોર્ક ખાતેના ભારતના કોન્સ્યુલ જનરલ શ્રી રણધીર કુમાર જયસ્વાલ ,ડેપ્યુટી કોન્સ્યુલ જનરલ શ્રી શત્રુઘ્ન સિંહા ,શ્રી આલબર્ટ જસાણી ,પદ્મશ્રી ડો. એચ.આર.શાહ ,શ્રી અંકુર વૈદ્ય ,શ્રી સૃજલ પરીખ ,શ્રી હેતલ પટેલ ,સહિતના મહાનુભાવોએ હાજરી આપી હતી.તથા શુભેચ્છા પાઠવી હતી.ઉપરાંત AAHOA ના પૂર્વ તથા વર્તમાન હોદેદારો ,NJRHA ના હોદેદારો ,FFI ,સહિતનાઓ હાજર રહ્યા હતા તથા નવા સાહસને શુભેચ્છા પાઠવી હતી.

આ તકે ડો.તુષાર પટેલ માસ્ટર ઓફ સેરિમની તરીકે હાજર રહ્યા હતા.ડી.જે.સિંગર રાજેશ રાજે લાઈવ મનોરંજન પૂરું પાડ્યું હતું.શ્રી પિયુષ પટેલે આભાર દર્શન કર્યું હતું.બાદમાં સહુએ ડિનર લીધું હતું.કાર્યક્રમનું લાઈવ કવરેજ ટી.વી.એશિયા ,પરીખ વર્લ્ડ વાઈડ મીડિયા, ITV  ગોલ્ડ ,ઇન્ડુસ TV તથા TV 9 દ્વારા કરાયું હતું.MHO  હોટેલ્સ ફ્રેન્ચાઈસીસ સાથે જોડાવા info@mhohotels.com દ્વારા સંપર્ક સાધી શકાય છે.તથા વિશેષ માહિતી www.mhohotels.com.દ્વારા મેળવી શકાશે તેવું શ્રી સી.ઝેડ પટેલ તથા શ્રી મહેન્દ્ર ઝેડ.પટેલના અહેવાલ દ્વારા ડો. તુષાર પટેલની યાદી દ્વારા જાણવા મળે છે. 

(8:26 pm IST)
  • ગૂગલની પ્રસિદ્ધ એપ્પ ગુગલ પ્લે મ્યુઝિક થશે બંધ : છેલ્લા આઠ વર્ષથી ચાલતી આ એપને સંપૂર્ણપણે બંધ કરવા નિર્ણય :એવું મનાય છે કે ગુગલ પ્લે મ્યુઝિકને યુટ્યુબ મ્યુઝિક એપથી રિપ્લેસ કરાશે :ગૂગલે ડિસેમ્બર 2020માં પ્લે મ્યુઝિકનું સંચાલન બંધ કર્યું હતું જેને હવે યૂટ્યૂબ મયુઈકમાં બદલાવી રહ્યાં છે access_time 11:25 pm IST

  • રાજકોટ વોર્ડ નં.૧૬ ભાજપના રૂચીતાબેન જોશી માત્ર ૧૧ મતથી જીત્યાઃ ફરી ગણતરીની માંગની શકયતા :વોર્ડ નં.૧૬ના ભાજપના ઉમેદવાર રૂચીતાબેન જોશીને ૮૬૦૦ અને કોંગ્રેસના રસિલાબેન ગેરૈયાને ૮૫૮૯ મત મળેલ માત્ર ૧૧ મતનો ફર્ક પડતા કોંગ્રેસ ફરીથી મતગણતરી કરાવે તેવી શકયતા access_time 3:59 pm IST

  • સુરતમાં પાટીલના ગઢમાં ‘આપ' પક્ષે ગાબડુ પાડયુ : ૨૫ બેઠકો મેળવી : ભાજપને ફાળે ૭૨ બેઠકોઃ કોંગ્રેસને બેઠક મેળવવાના ફાંફાઃ ૨૪ બેઠકો ઉપર ગણતરી ચાલુ : બપોરે ૪ વાગ્‍યે આ લખાય છે ત્‍યારે સુરતમાં ૧૨૦ બેઠકમાંથી ૯૬ બેઠકો જાહેર થઈ છે અથવા તો ટ્રેન્‍ડ જાહેર થયા છે : જેમાંથી અરવિંદ કેજરીવાલનો નવોદીત આપ પક્ષ ૨૫ બેઠકો લઈ જાય છે : ભાજપને હજુ સુધી ૭૨ બેઠકો સાથે સાદી બહુમતી મળી રહી છે, જયારે કોંગ્રેસને બેઠક મેળવવાના ફાંફા છે અને એક પણ બેઠક મળી નથીઃ કોંગ્રેસની તમામ બેઠકો ‘આપ' ખૂંચવી ગયેલ છે આપની બેઠકો હજુ પણ વધે તેવી શકયતા છેઃ કુલ ૨૪ બેઠકની મતગણતરી હવે થઈ રહી છે access_time 4:24 pm IST