Gujarati News

Gujarati News

News of Tuesday, 22nd October 2019

ગુરૂનાનક દેવની ૫૫૦મી જન્મ જયંતિ ઉજવવા પાકિસ્તાન જનારા બ્રિટન સ્થિત ૨૦૦ શીખોએ પ્રવાસ રદ કર્યોઃ ૩૧ ઓકટો.૨૦૧૯ના રોજ ઇસ્લામાબાદ મુકામે ઇમરાન સરકાર વિરૂધ્ધ યોજાનારી રેલીના કારણે શાંતિ ડહોળાવાનો ભય વ્યકત કર્યોઃ રેલી રદ કરવા JUIF પ્રેસિડન્ટ મૌલાના ફઝલુર રહેમાનને વિનંતી કરી

લંડનઃ પાકિસ્તાનમાં ઇમરાન ખાનને સત્તા ઉપરથી હટાવવા જમિયત ઉલેમાએ ઇસ્લામ ફઝલ (JUIF)ના ઉપક્રમે ૨૭ ઓકટો.થી ૩૧ ઓકટો દરમિયાન દેખાવો સાથે રેલીનું આયોજન કરાયું છે. જે ૩૧ ઓકટો.ના રોજ ઇસ્લામાબાદ પહોંચશે. આ રેલીના કારણે પાકિસ્તાનની શાંતિ ડહોળાવાનો ડર હોવાથી તે રદ કરવા JUIFના પ્રમુખ મૌલાના ફઝલુર રહેમાનને બ્રિટીશ સ્થિત શીખ સમુદાયએ અનુરોધ કર્યો છે.

સમુદાયે જણાવ્યા મુજબ આ રેલીના આયોજનને કારણે બ્રિટનથી પાકિસ્તાન મુકામે નવેં.માસમાં ગુરૂ નાનકદેવની ૫૫૦મી જન્મ જયંતિ ઉજવવા જનારા ૨૦૦ શીખોએ તેમનો પ્રવાસ રદ કર્યો છે.

તેથી રેલી હાલની તકે મોકુફ રાખવા અથવા ૨૦ નવેં.પછી રાખવા વિનંતી કરાઇ છે તેવું જાણવા મળે છે.

(8:21 pm IST)
  • જૂનાગઢ મહાનગરપાલિકાની વોર્ડ ન, 3 ની પેટા ચૂંટણીમાં 38,42 ટકા મતદાન થયું : દિવાળી તહેવારોને કારણે મતદારોમાં નીરસતા : access_time 3:35 pm IST

  • કેનેડામાં જસ્ટિન ટ્રૂડોની સરકારને બહુમતી મેળવવા હવે માત્ર 15 બેઠકનું છેટું : ટ્રૂડોની લિબરલ પાર્ટી 338 માંથી 155 બેઠક ઉપર અને વિરોધી કન્ઝર્વેટિવ પાર્ટી 122 બેઠક ઉપર આગળ : ભારતીય મૂળના શીખ આગેવાન જગમિત સિંઘની પાર્ટી ચોથા ક્રમે access_time 12:55 pm IST

  • " હેપ્પી બર્થ ડે અમિતભાઇ " : ભારતના હોમ મિનિસ્ટર શ્રી અમિત શાહનો આજે જન્મ દિવસ : વડાપ્રધાન શ્રી નરેન્દ્ર મોદી તેમજ આમ નાગરિક સહીત તમામનો શુભેચ્છા ધોધ : દેશના શક્તિશાળી નેતાઓની હરોળમાં સ્થાન ધરાવતા ગુજરાતી નેતાએ 56 માં વર્ષમાં પ્રવેશ કર્યો access_time 11:32 am IST