Gujarati News

Gujarati News

News of Tuesday, 22nd September 2020

અમેરિકાની ટેલિવિઝન ઈન્ડસ્ટ્રીઝનો સર્વોચ્ચ એમી એવોર્ડ આન્દ્રીજ પારેખને : એચબીઓ ચેનલ પર આવતી સિરીઝ ' સકસેશન ' માટે અપાયો

યુ.એસ. : અમેરિકાની ટેલિવિઝન ઈન્ડસ્ટ્રીઝનો સર્વોચ્ચ એમી એવોર્ડ ગુજરાતમાં મૂળિયા ધરાવતા અમેરિકન ડિરેક્ટર સિનેમેટોગ્રાફર આન્દ્રીજ પારેખને અપાયો
છે.પારેખે હાફ બેસન, સુગર, બ્લુ વેલેન્ટાઈન, ધ ઝૂકીપર્સ વાઈફ, મેડમ બોવારી… વગેરે અનેક શોમાં કામ કર્યું છે. પારેખ ગુજરાતમાં અને યુક્રેનમાં મૂળિયા ધરાવે છે. પરંતુ તેમનો જન્મ તો અમેરિકાના બોસ્ટનમાં જ થયો હતો. તેમના પિતા પ્રવિણ પારેખ ગુજરાતી હતા. જ્યારે માતા લેસીઆ યુક્રેનના હતા.
પોતાના આ મૂળિયા અંગે અગાઉ એક ઈન્ટરવ્યૂમાં પારેખે કહ્યું હતું કે, ગુજરાતી લોહી મને બિઝનેસની આવડત આપે છે અને યુક્રેનિયન કનેક્શન મનેસંવેદના આપે છે. હું ફિલ્મ-સર્જન-સિનેમેટોગ્રાફી વખતે તેનો સર્વોત્તમ ઉપયોગ કરી શકુંછું. પારેખે ફ્રેન્ચ-અમેરિકન ડિરેક્ટર સોફી બાર્થેસ સાથે લગ્ન કર્યા છે.
તેમણે સકસેશનના 3 એપિસોડ ડિરેક્ટ કર્યા છે. જ્યારે અન્ય કેટલીક શોર્ટ ફિલ્મો પણ બનાવી છે. કોરોનાને કારણે 72મો એમી એવોર્ડ સમારોહ ઓનલાઈન યોજવામાં આવ્યો હતો. પારેખને પોતાના ક્ષેત્રના નાના-મોટા અનેક એવોર્ડ ભૂતકાળમાં મળી ચૂક્યા છે.

(8:11 pm IST)
  • ૨૭૦ વ્હેલ માછલીઓ ઓસ્ટ્રેલિયાઇ દ્વીપ તસ્માનિયાના કિનારા પર ફસાયેલ મળી, રપની બચવાની સંભાવના નથીઃ તસ્વીરો સામે આવી : સમુદ્રી જીવવિજ્ઞાનીઓ આ વ્હેલોને બચાવવાની યોજના બનાવી રહ્યા છે. વૈજ્ઞાનિકોએ કહ્યું કે ઓછામાં ઓછી રપ વ્હેલ પહેલાજ મરી ચૂકી છે આ બધી પાયલટ વ્હેલ છે. access_time 11:47 am IST

  • દેશમાં કોરોનાના કહેર વચ્ચે સતત પાંચમા દિવસે નવા કેસ કરતા રિકવર થનારની સંખ્યા વધી : રાત્રે 12 વાગ્યા સુધીમાં નવા 80,376 પોઝીટીવ કેસ સામે 87,081 દર્દીઓ સ્વસ્થ થયા : કોરોનાના કુલ કેસનો આંક 56,40,496 થયો: એક્ટીવ કેસ,ઘટીને 9,67,848 થયા : કુલ 45,81,820 લોકોએ કોરોનાને મ્હાત આપી :વધુ 1056 લોકોના મોત સાથે મૃત્યુઆંક 90,081 થયો access_time 12:55 am IST

  • નિયમ બધા માટે સરખા : રાજકોટમાં માસ્ક વગર જાહેરમાં દેખાતા વિખ્યાત ગાયક કીર્તીદાન ગઢવીને પોલીસે દંડ ફટકાર્યો access_time 11:18 pm IST