Gujarati News

અમેરિકામાં ર૦ર૦ની સાલમાં યોજાનારી પ્રેસિડન્ટ પદની ચૂંટણીના ઉમેદવાર તથા સૌથી વધુ હોટ ફેવરીટ ગણાતા પ્રથમ ૧૦ ઉમેદવારો માંહેના એક ઇન્ડિયન અમેરિકન મહિલા સુશ્રી કમલા હેરીસને IMPACT FUND એ સમર્થન ઘોષિત કર્યુ છે.

કેલિફોર્નિયા ડીસ્ટ્રીકટ સેનેટર તરીકે ચુંટાઇ આવેલા સુશ્રી હેરીસએ પ્રેસિડન્ટ પદ માટે તેઓને મળેલા IMPACT FUND ના સમર્થનને બહુ મોટી બાબત ગણાવી છે. તેમણે જણાવ્યુ હતું કે આપણે સત્ય અને ન્યાય માટે લડત ચલાવી રહ્યા છીએ તથા હેલ્થકેર માટે લોકોએ ખર્ચવી પડતી મોટી રકમ બચાવવા માગીએ છીએ.

ઇન્ડિયન અમેરિકન ઉમેદવારોને સમર્થન આપતા IMPACT FUND  ના કો-ફાઉન્ડર શ્રી રાજ ગોયલએ સુશ્રી કમલા હેરીસને સમર્થન આપવા બદલ ગૌરવ વ્યકત કર્યુ હતુ. કારણ કે પ્રજાની સલામતિ તથા હકકોના રક્ષણ માટે સુશ્રી હેરીસનું બહુ મોટું યોગદાન છે તેવું તેમણે જણાવ્યું હતુ.