Gujarati News

Gujarati News

News of Monday, 21st May 2018

દરિયા કિનારે સેલ્‍ફી લેવા જતા જાન ગુમાવ્‍યોઃ ઓસ્‍ટ્રેલિયા સ્‍થિત ભારતીય સ્‍ટુડન્‍ટ અંકિતનું કરૂણ મોત

મેલબોર્નઃ વેસ્‍ટર્ન ઓસ્‍ટ્રેલિયાના દરિયાકિનારે ટેકરી ઉપર ઊભા રહી સેલ્‍ફી લેવાના મોહએ એક ભારતીય સ્‍ટુડન્‍ટનો ભોગ લીધો છે તેવું સમાચાર સૂત્રો દ્વારા જાણવા મળે છે.

પ્રાપ્ત વિગત મુજબ મિત્રો સાથે સુવિખ્‍યાત પરંતુ જોખમી ગણાતા તેવા પર્યટન સ્‍થળ અલ્‍બાની ટાઉન નજીક આવેલા દરિયાકિનારે ફરવા ગયેલો ભારતીય મૂળનો યુવાન ૨૦ વર્ષીય અંકિત એક ટેકરી ઉપર ઊભો રહી સેલ્‍ફી લઇ રહ્યો હતો ત્‍યારે પગ લપસવાથી બેલેન્‍સ ગુમાવતા ૪૦ ફુટ નીચે આવેલા દરિયામાં પડી ગયો હતો. તેનો મૃતદેહ રેસ્‍કયુ હેલિકોપ્‍ટર દ્વારા શોધખોળ કરી ૧ કલાક બાદ મેળવી શકાયો હતો. પોલીસ ડીપાર્ટમેન્‍ટ દ્વારા મૃતક યુવાનના વાલીનો સંપર્ક કરવાની કોશિષ ચાલુ હોવાનું જાણવા મળે છે.

(8:35 pm IST)
  • સુરેન્દ્રનગર : વઢવાણ તાલુકાના સાંકળી ગામે વિજ ચેકીંગમા ગયેલ PGVCL ટીમ પર ગ્રામજનોએ કર્યો પથ્થરમારો access_time 11:18 am IST

  • પાકિસ્તાનના પંજાબ પ્રાંતની સરકારે રાવલપિંડીમાં સ્થિત કૃષ્ણ મંદિરના નવીનીકરણ અને તે વિસ્તરણ કરવા માટે બે કરોડ રૂપિયાની રકમ ફાળવી છે. આ જાણકારી 20 મેએ મીડિયાની એક રિપોર્ટમાં આપવામાં આવી હતી. રાવલપિંડી અને ઈસ્લામાબાદ શહેરોમાં માત્ર કૃષ્ણ મંદિર જ એકમાત્ર હિન્દુ મંદિર છે જે શ્રદ્ધાળુઓ માટે ખુલ્લું છે. મંદિરમાં રોજ સવાર-સાંજ આરતી કરવામાં આવે છે. access_time 6:19 am IST

  • રાજ્યની તમામ આરટીઓમાં પાકા લાઈસન્સ માટે સેન્સર વાળા ટ્રેક પર ડ્રાઈવિંગ ટેસ્ટની કામગીરી ફરી ખાનગી એજન્સીને સોંપવાની કવાયત શરૂ કરતું ગુજરાત RTO access_time 11:19 am IST