Gujarati News

Gujarati News

News of Wednesday, 15th May 2019

પાકિસ્તાની દુલ્હનને ચીન લઇ જવાના અરમાન અધૂરા : 140 ચાઇનીસ નાગરિકોએ પાકિસ્તાની યુવતી સાથે લગ્ન કરી વિઝા માંગતા 90 વિઝા નામંજૂર : બનાવટી લગ્ન હોવાની આશંકા

ઇસ્લામાબાદ : પાકિસ્તાની  દુલ્હનને ચીન લઇ જવાના 90 ચાઇનીસ દુલ્હાઓના અરમાન અધૂરા રહી ગયા હોવાનું સમાચાર સૂત્રો દ્વારા જાણવા મળે છે. પ્રાપ્ત માહિતી મુજબ  140 ચાઇનીસ નાગરિકોએ પાકિસ્તાની યુવતી સાથે લગ્ન કરી વિઝા માંગતા માત્ર 50 વિઝા મંજુર થયા હતા.બાકીના 90 લગ્નો બનાવટી  હોવાની આશંકાથી આ પાકિસ્તાની યુવતીઓના વિઝા મંજુર કરાયા નથી.

સ્થાનિક મીડિયા રિપોર્ટ મુજબ લગ્ન કરાવનારા ગેરકાયદેસર કેન્દ્રો  ખ્રિસ્તી સમુદાયની ગરીબ યુવતીઓને પાકિસ્તાનમાં કાર્યરત કે ત્યાં પ્રવાસ પર જનારા ચીની પુરુષો સાથે વિવાહ કરાવીને ધન તથા 'સારા જીવન'ની લાલચ આપે છે.

આ કેન્દ્રો ચીની પુરુષોના નકલી દસ્તાવેજોમાં તેમને ખ્રિસ્તિ કે મુસલમાન દર્શાવે છે. મોટાભાગની યુવતીઓ કથિત રીતે માનવ તસ્કરીનો ભોગ બની છે અથવા તો દેહ વ્યાપારમાં ધકેલાઈ ગઈ છે.

જોકે પાકિસ્તાનમાં ચીનના 'ડિપ્યુટી ચીફ ઓફ મિશન' લિઝિયાન ઝાઓએ જણાવ્યા મુજબ મીડિયા રિપોર્ટ્સમાં તથ્યોને તોડી મરોડીને રજુ કરાયા છે. કારણ કે એ વાતનો કોઈ પૂરાવો નથી કે મહિલાઓને દેહ વ્યાપારમાં ધકેલવામાં આવી છે. રિપોર્ટ મુજબ રાજદૂતે એ વાતનો પણ ઈન્કાર કર્યો છે કે બધા લગ્ન નકલી છે.

તેમણે કહ્યું કે ચીનમાં પાકિસ્તાની મહિલાઓને તેમના પતિઓ દ્વારા પરેશાન કરવા અંગેની કેટલીક ફરિયાદો મળી છે, જે અંગે કાર્યવાહી પણ કરવામાં આવશે.

(7:18 pm IST)
  • મમતા બેનર્જીએ કહ્યું ભગવા પહેરેલ ગુંડાઓએ જે હિંસા કરી એ બાબરી મસ્જિદ તોડી પાડવા જેવી હતી :અમિતભાઇ શાહના રોડ શો દરમિયાન હિંસા બાદ ચૂંટણી આયોગે કરેલ કાર્યવાહી અંગે મમતાએ કહ્યું કે ભાજપના ઈશારે ચૂંટણી આયોગે નિર્ણંય કર્યો :આ નિર્ણંય ચૂંટણી અયોગનો નહીં પરંતુ મોદી અને શાહે લીધો ;ચૂંટણી અયોગનો નિર્ણંય ગેરબંધારણીય છે access_time 1:23 am IST

  • કોલકતામાં અમિતભાઈ વિરૂધ્ધ ૨ ફરિયાદ : અમિતભાઈ વિરૂધ્ધ કોલકત્તામાં બે ફરીયાદ નોંધાઈઃ વિદ્યાસાગર કોલેજના ટીએમસી છાત્ર સંગઠનની રાવ બાદ જોડાસાંકો અને અર્મહર્સ્ટ સ્ટ્રીટ પોલીસ સ્ટેશનમાં એફઆરઆઈ દાખલઃ ગઈકાલે રોડ- શો દરમિયાન વિદ્યાનગર કોલેજમાં ઈશ્વરચંદ્ર વિદ્યાસાગરની મૂર્તિ તોડી પડાયેલઃ ટીએમસીએ ચુંટણી પંચ પાસે પણ સમય માંગ્યો છે access_time 1:15 pm IST

  • ઘંટેશ્વરમાં જીલ્લા કોર્ટ સંકુલ અંગે હાઈકોર્ટની ટીમ રાજકોટમાં: સર્વે શરૂ : ઘંટેશ્વર સર્વે નં. ૧૪૦માં નવુ અદ્યતન જીલ્લા કોર્ટ સંકુલ બનાવવા અંગે આજે હાઈકોર્ટના જજો અને તેમની ટીમ રાજકોટ આવી છે, કલેકટર તંત્રના સર્કલ ઓફિસર દ્વારા જમીન અંગે માહિતી અપાઈઃ કુલ ૧૫ એકર જગ્યા અગાઉ પ્લાન મુકાયા છેઃ આજે સર્વે-સમીક્ષા બાદ નવા બિલ્ડીંગ અંગે નિર્ણય લેવાશે access_time 3:29 pm IST