Gujarati News

Gujarati News

News of Tuesday, 14th May 2019

'ફ્રી હેલ્થકેર': યુ.એસ.માં લોંગ આઇલેન્ડ ગુજરાતી કલ્ચરલ સોસાયટીના ઉપક્રમે ૧૯મે રવિવારના રોજ ન્યુયોર્ક મુકામે કરાયેલું આયોજનઃ સુપ્રસિદ્ધ ફીઝીશીયન્શ તથા સ્પેશ્યાલીટી ફીઝીશીઅન્શ સેવાઓ આપશે

 (દિપ્તીબેન જાની દ્વારા) ન્યુજર્સી : યુ.એસ.માં લોંગ આઇલેન્ડ ગુજરાતી કલ્ચરલ સોસાયટીના ઉપક્રમે સૌપ્રથમ વાર આગામી ૧૯ મે ૨૦૧૯ રવિવારના રોજ 'ફ્રી હેલ્થકેર'નું આયોજન કરાયું છે.

રેડીસન હોટેલ, ૧૧૦, વેન્ડર બિલ્ટ મોટર Pkwy હૌયુગે, ન્યુયોર્ક મુકામે યોજાનારા આ કેમ્પનો સમય સવારે ૧૦ વાગ્યાથી બપોરે ૩ વાગ્યા સુધીનો રહેશે. જેમાં પ્રાઇમરી કેર માટે સેવાઓ આપનાર ફીઝીશીઅ્નશનમાં ડો. પન્ના શાહ, ડો. સુર્યકાંત પરીખ, ડો. મહેન્દ્ર શાહ, ડો. જીતેન્દ્ર શાહ, ડો. નિલેશ પટેલ, ડો. પારૂલ જાડેજા, ડો. પ્રકાશ પરીખ, ડો. જયેશ મકવાણા તથા ડો. ગીતા પરીખનો સમાવેશ થાય છે. જ્યારે સ્પેશ્યાલીટી ફીઝીશીઅન્શ તરીકે ડો. સોનલ શાહ (ઓપ્થેલ્મોલોજીસ્ટ), ડોકટર્સ નિલેશ એન્ડ પ્રિતી મહેતા (ગેસ્ટ્રોએન્ટ્રોલોજીસ્ટ), ડો. દિલીપ ડોકટર તથા મુખરામ ગાજી (કિડની સ્પેશ્યાલીસ્ટ), ડો. દિપીકા ડોકટર (વીમેન્સ હેલ્થ), ડો. રાકેશ પટેલ (કાર્ડિઓલોજીસ્ટ), ડો. મીરા શાહ (ડેન્ટિસ્ટ) તથા સાઇકિયાટ્રિકસ ડોકટર્સ ઉષા તથા પ્રફુલ જોશીની સેવાઓ ઉપલબ્ધ બનાવાઇ છે.

ઉપરાંત ડાયેટિશીઅન્સ ફાર્માસિસ્ટસ, PT/OT ઓપ્ટોમેટ્રિસ્ટ, સાઇકોલોજીસ્ટ તેમજ સેફટી ફોર સિનીઅર્સ સેવાઓ અપાશે.

ઓર્ગેનાઇઝેશનર્સ અને કો. ઓર્ડીનેટર્સ તરીકે ડો. પન્ના શાહ, શ્રી જય શાહ, શ્રી વિજય શાહ, શ્રી બકુલ માટલિયા, સુશ્રી નયના મહેતા, ડો. પ્રકાશ પરીખ, ડો. જીતેન્દ્ર શાહ, શ્રી અમરિશ કચ્છી, સુશ્રી મીના જાડેજા તથા શ્રી અંબાલાલ પટેલ સેવાઓ આપી રહ્યા છે.

લોંગ આઇલેન્ડ ગુજરાતી કલ્ચરલ સોસાયટી એડમિનીસ્ટ્રેશન તથા એકઝીકયુટીવ કમિટી તેમજ સિનીયર ડીવીઝનની સેવાઓ હેલ્થ કેમ્પને સરળતાપૂર્વક સંપન્ન કરાવશે.

કોમ્યુનીટી સેવાઓ માટે વિનામૂલ્યે યોજાનારા આ હેલ્થકેરનો લાભ લેવા સુશ્રી વંદનાબેન મકવાણાની યાદીમાં જણાવાયું છે.

(10:24 pm IST)
  • ઘંટેશ્વરમાં જીલ્લા કોર્ટ સંકુલ અંગે હાઈકોર્ટની ટીમ રાજકોટમાં: સર્વે શરૂ : ઘંટેશ્વર સર્વે નં. ૧૪૦માં નવુ અદ્યતન જીલ્લા કોર્ટ સંકુલ બનાવવા અંગે આજે હાઈકોર્ટના જજો અને તેમની ટીમ રાજકોટ આવી છે, કલેકટર તંત્રના સર્કલ ઓફિસર દ્વારા જમીન અંગે માહિતી અપાઈઃ કુલ ૧૫ એકર જગ્યા અગાઉ પ્લાન મુકાયા છેઃ આજે સર્વે-સમીક્ષા બાદ નવા બિલ્ડીંગ અંગે નિર્ણય લેવાશે access_time 3:29 pm IST

  • આતંકી સંગઠન જૈશ-એ-મોહમ્મદના નાસી છૂટેલા આતંકીને દિલ્હી પોલીસે શ્રીનગરથી ઝડપી લીધો: તે પાકિસ્તાન કબ્જાગ્રસ્ત કાશ્મીર ભણી નાસી છૂટવાની પેરવીમાં હતો access_time 11:17 am IST

  • સાંજે કલેકટર કચેરીમાં સૂચિત સોસાયટી અંગે મહત્વની બેઠકઃ વધારાની ૯૦૦ અરજીઓ અંગે લેવાશે નિર્ણય : રાજ્ય સરકારે સૂચિત સોસાયટીમાં ૨૦૦૫ની કટ ઓફ ડેઈટ નક્કી કરતા રાજકોટની ૮૦ સોસાયટીમાં નાયબ મામલતદારો દ્વારા સર્વે કરાયોઃ કુલ ૯૦૦થી વધુ અરજીઓ ઉમેરાશેઃ સાંજે કલેકટર કચેરી ખાતે આ અંગે મહત્વની બેઠકઃ સૂચિતની કામગીરી કરતા નાયબ મામલતદારો - મામલતદારોને તેડુ access_time 3:29 pm IST