Gujarati News

વોશીંગ્‍ટનઃ યુ.એસ.માં ૮મે ૨૦૧૮ના રોજ યોજાયેલી ઇન્‍ટરનેશનલ ‘‘વર્લ્‍ડ ઓફ સેવન બિલીઅન'' વીડિયો સ્‍પર્ધામાં અમેરિકામાંથી વિજેતા બનેલા ૧૮ બાળકોમાં ૩ ઇન્‍ડિયન અમેરિકન સ્‍ટુડન્‍ટસએ સ્‍થાન મેળવ્‍યું છે.

૬ થી ૧૨ ગ્રેડમાં અભ્‍યાસ કરતા ૫૦ દેશોના તથા યુ.એસ.ના ૪૪ સ્‍ટેટના પાંચ હજાર સ્‍ટુડન્‍ટસમાંથી વિજેતા બનેલા ૧૮ સ્‍ટુડન્‍ટસમાં સ્‍થાન મેળવનાર ૩ ઇન્‍ડિયન અમેરિકન સ્‍ટુડન્‍ટસમાં આયુષ ઐયર,રામ્‍યા ઐયર, તથા અર્જુન અગરવાલનો સમાવેશ થાય છે.

લેન્‍કેસ્‍ટર પેન્‍સિલ્‍વેનિઆની મિડલ સ્‍કૂલમાં અભ્‍યાસ કરતો આયુષ ફીડીંગ ટેન બિલીઅને કેટેગરીમાં વિજેતા બન્‍યો છે. જયારે ઓમાહા સ્‍થિત રામ્‍યા ઐયર એડવાન્‍સીંગ વીમેન એન્‍ડ ગર્લ્‍સ કેટેગરીમાં વિજેતા બની છે. તથા ન્‍યુજર્સી સ્‍થિત અર્જુન અગરવાલએ હાઇસ્‍કૂલ લેવલની ફીડીંગ ટેન બિલીયન કેટેગરીમાં પ્રથમ વિજેતા તરીકે સ્‍થાન હાંસલ કર્યુ છે.