Gujarati News

Gujarati News

News of Tuesday, 17th April 2018

યુ.એસ.માં ૫ એપ્રિલ ૨૦૧૮ થી લાપતા ઇન્‍ડિયન અમેરિકન પરિવારની મહિલા સૌમ્‍યાનો મૃતદેહ મળી આવ્‍યોઃ પોર્ટલેન્‍ડથી સાન જોસ મુકામે કારમાં પરત આવતી વખતે રસ્‍તામાં ભારે વરસાદ તથા નદીના પૂરમાં પરિવાર ગરક થઇ ગયાની શંકાને અનુમોદન

કેલિફોર્નિયાઃ યુ.એસ.ના સાઉધર્ન કેલિફોર્નિયા સ્‍થિત ઇન્‍ડિયન અમેરિકન પરિવાર પાંચ એપ્રિલ ૨૦૧૮થી લાપતા હતો. જેમાં ૪૨ વર્ષીય સંદીપ થોટાપિલ્લી, તથા તેમના પત્‍ની ૩૮ વર્ષીય સૌમ્‍યા થોટાપિલ્લી, તથા તેઓના બે બાળકો ૧૨ વર્ષીય પુત્ર વિધ્‍ધાંત અને ૯ વર્ષીય પુત્રી સાચીનો સમાવેશ થતો હતો.

આ પરિવાર પોર્ટલેન્‍ડથી સાન જોસ મુકામે પરત આવી રહ્યો હતો ત્‍યારે રસ્‍તામાં સખત વરસાદ અને નદી હોવાથી ગૂમ થઇ ગયો હતો. જેમની કાર રસ્‍તામાં આવતી એલ રિવરમાં તણાઇ ગઇ હોવાનું અનુમાન હતું.

અંતે આ અનુમાનને પુષ્‍ટિ મળી રહી હોવાનું જાણવા મળે છે. જે મુજબ ૧૩ એપ્રિલ ૨૦૧૮ના રોજ મેન્‍ડિકોનો કાઉન્‍ટી શેરીફની ઓફિસના જણાવ્‍યા મુજબ એક પુખ્‍ત વળની મહિલાનો મૃતદેહગ એલ રિવરના પ્રવાહમાંથી મળી આવ્‍યો છે. જો કે તેની ઓળખ બાકી છે. પરંતુ આ મૃતદેહ ગૂમ થયેલા થોટાપિલ્લી પરિવારની ૩૮ વર્ષીય સૌમ્‍યાનો હોઇ શકે છે. તેવું સમાચાર સૂત્રો દ્વારા જાણવા મળે છે.

(10:05 pm IST)
  • હજુ બે દિવસ ગરમીનો પારો ૪૦થી ૪૩ ડિગ્રી વચ્ચે જોવા મળશેઃ બાદ આંશિક ઘટાડો સંભવ: રાજકોટમાં ૩૯.૪ ડિગ્રી : પવનની ગતિ ૧૨ કિ.મી. : આગામી દિવસોમાં સાંજના સમયે પવનનું જોર જોવા મળશે છૂટાછવાયા વિસ્તારમાં વાદળો પણ જોવા મળે access_time 4:13 pm IST

  • અમદાવાદ એલીસબ્રીજ પોલીસે આઇપીએલ પર સટ્ટો રમતા શખ્શ સુરેશ યાદવને હોટલ અર્બનમાંથી દબોચ્યો : રાજસ્થાન રોયલ્સ અને રોયલ ચેલેન્જ બેંગલોરના મેચ પર સટ્ટો રમાડતો હતો સુરેશ : લેપટોપ, ટીવી, મોબાઇલ સહિત ઘણી ચીજો પોલીસે જપ્ત કરી access_time 12:25 am IST

  • કર્ણાટક ચૂંટણી : કોંગ્રેસે 218 ઉમેદવારોની યાદી બહાર પાડી : મુખ્યમંત્રી સિદ્ધારમૈયાહ ચામુન્ડેશ્વરીથી ચૂંટણી લડશે : મુખ્યમંત્રી સિદ્ધારમૈયાહનો પુત્ર ડો. યથીન્દ્રને વરૂણા વિધાનસભાથી ટિકિટ આપવામાં આવી છે : સિદ્ધામૈયા હાલમાં વરુણાના ધારાસભ્ય છે. access_time 10:31 pm IST