Gujarati News

Gujarati News

News of Monday, 16th April 2018

યુ.એસ.માં ૫ એપ્રિલ ૨૦૧૮ થી લાપતા ઇન્‍ડિયન અમેરિકન પરિવારની મહિલા સૌમ્‍યાનો મૃતદેહ મળી આવ્‍યોઃ પોર્ટલેન્‍ડથી સાન જોસ મુકામે કારમાં પરત આવતી વખતે રસ્‍તામાં ભારે વરસાદ તથા નદીના પૂરમાં પરિવાર ગરક થઇ ગયાની શંકાને અનુમોદન

કેલિફોર્નિયાઃ યુ.એસ.ના સાઉધર્ન કેલિફોર્નિયા સ્‍થિત ઇન્‍ડિયન અમેરિકન પરિવાર પાંચ એપ્રિલ ૨૦૧૮થી લાપતા હતો. જેમાં ૪૨ વર્ષીય સંદીપ થોટાપિલ્લી, તથા તેમના પત્‍ની ૩૮ વર્ષીય સૌમ્‍યા થોટાપિલ્લી, તથા તેઓના બે બાળકો ૧૨ વર્ષીય પુત્ર વિધ્‍ધાંત અને ૯ વર્ષીય પુત્રી સાચીનો સમાવેશ થતો હતો.

આ પરિવાર પોર્ટલેન્‍ડથી સાન જોસ મુકામે પરત આવી રહ્યો હતો ત્‍યારે રસ્‍તામાં સખત વરસાદ અને નદી હોવાથી ગૂમ થઇ ગયો હતો. જેમની કાર રસ્‍તામાં આવતી એલ રિવરમાં તણાઇ ગઇ હોવાનું અનુમાન હતું.

અંતે આ અનુમાનને પુષ્‍ટિ મળી રહી હોવાનું જાણવા મળે છે. જે મુજબ ૧૩ એપ્રિલ ૨૦૧૮ના રોજ મેન્‍ડિકોનો કાઉન્‍ટી શેરીફની ઓફિસના જણાવ્‍યા મુજબ એક પુખ્‍ત વળની મહિલાનો મૃતદેહગ એલ રિવરના પ્રવાહમાંથી મળી આવ્‍યો છે. જો કે તેની ઓળખ બાકી છે. પરંતુ આ મૃતદેહ ગૂમ થયેલા થોટાપિલ્લી પરિવારની ૩૮ વર્ષીય સૌમ્‍યાનો હોઇ શકે છે. તેવું સમાચાર સૂત્રો દ્વારા જાણવા મળે છે.

(10:05 pm IST)
  • કોંગ્રેસના રાષ્ટ્રીય અધ્યક્ષ રાહુલ ગાંધી સોમવારે ત્રણ દિવસની મુલાકાત માટે પોતાના સંસદીય વિસ્તાર અમેઠી પહોંચ્યા હતાં. રાહુલ ગાંધી અમેઠીના એક સ્કૂલના કાર્યક્રમમાં સંબોધન માટે પહોંચ્યા હતાં.રાહુલ ગાંધીને એક વિદ્યાર્થિનીએ પૂછ્યું કે દેશમાં જે નિયમ બને છે તેને ગ્રામીણ વિસ્તારોમાં સાચી રીતે શા માટે લાગુ પાડવામાં આવતાં નથી. જેના જવાબમાં રાહુલે તરત જ કહ્યું કે,’એ તમે મોદીજીને પૂછો. સરકાર મોદીજી ચલાવે છે. અમારી સરકાર નથી. જ્યારે અમારી સરકાર હશે ત્યારે અમે જવાબ આપીશું.’ access_time 3:59 am IST

  • વડોદરાના ગાયત્રીનગર સોસાયટીના રહીશો સાથે છેતરપીંડી અને વિશ્વાસઘાત મામલે સીઆઈડી ક્રાઈમ અને વડોદરા પોલીસે નોંધેલા ગુન્હામાં જામીન મેળવવા ૫ ગુન્હાના આરોપી ડોલી પટેલે હાઈકોર્ટમાં કરેલી અરજી ફગાવી દેવાઈ access_time 4:56 pm IST

  • હજુ બે દિવસ ગરમીનો પારો ૪૦થી ૪૩ ડિગ્રી વચ્ચે જોવા મળશેઃ બાદ આંશિક ઘટાડો સંભવ: રાજકોટમાં ૩૯.૪ ડિગ્રી : પવનની ગતિ ૧૨ કિ.મી. : આગામી દિવસોમાં સાંજના સમયે પવનનું જોર જોવા મળશે છૂટાછવાયા વિસ્તારમાં વાદળો પણ જોવા મળે access_time 4:13 pm IST