Gujarati News

વોશિંગટન : અમેરિકામાં પ્રવેશતા ગેરકાયદે વિદેશીઓને આશ્રય નહીં આપવાના ટ્રમ્પના નિર્ણય વિરુદ્ધ  અમેરિકન સિવિલ લિબર્ટી યુનિઅન તથા સેન્ટર ફોર રાઈટ્સે દાવો દાખલ કર્યો છે.સાન ફ્રાન્સિસ્કો કોર્ટમાં ચાલી રહેલા આ કેસ અંગે ડીસ્ટ્રીકટ જજએ તાત્કાલિક કોઈ નિર્ણય લીધો નથી.તેમજ ટ્રમ્પના આ વિવાદાસ્પદ નિર્ણય વિરુદ્ધ હાલની તકે રોક પણ લગાવેલ નથી

 ઉલ્લેખનીય છે કે પ્રેસિડન્ટ ડોનાલ્ડ ટ્રમ્પએ 9 નવે.ના રોજ મેક્સિકોની બોર્ડર ઉપરથી ગેરકાયદે અમેરિકામાં પ્રવેશી રહેલા વિદેશીઓને આશ્રય નહીં આપવાનો નિર્ણય ઘોષિત કર્યો છે.જેના વિરુદ્ધ ઉપરોક્ત દાવો દાખલ કરાયો છે.આ વિદેશી નાગરિકોમાં ભારતીયોનો પણ સમાવેશ થાય છે.