Gujarati News

Gujarati News

News of Thursday, 20th September 2018

અમેરિકામાં ફલોરેન્‍સ વાવાઝોડાગ્રસ્‍ત વિસ્‍તારોની વહારે ઇન્‍ડિયન અમેરિકન વોલન્‍ટીયર ઓર્ગેનાઇઝેશનઃ હજુ પણ નોર્થ તથા સાઉથ કેરોલિના અને વર્જીનીઆનાં રસ્‍તાઓ ઉપર પાણીના પૂર અને કાદવના થરના કારણે મદદરૂપ થવામાં વિલંબ

કેરોલિનાઃ યુ.એસ.ના નોર્થ તથા સાઉથ કેરોલિના તથા વર્જીનીયામાં ફલોરેન્‍સ વાવાઝોડાએ મચાવેલા હાહાકારથી લોકોને બચાવવા માટે મેદાને પડેલા ઇન્‍ડિયન અમેરિકન વોલન્‍ટીઅર ઓર્ગેનાઇઝેશનએ જણાવ્‍યું  હતું કે અસરગ્રસ્‍તો સુધી પહોંચવાનું કામ હજુ પણ અમુક વિસ્‍તારોમાં વિકટ છે. રસ્‍તાઓ ઉપર હજુ પણ પાણીના પુર અને કાદવના થર છે.

નોર્થ કેરોલિના સ્‍ટેટ સેનેટર ઇન્‍ડિયન અમેરિકન  જય ચૌધરીએ સમાચાર સૂત્રને જણાવ્‍યા મુજબ  સેનેટ ડીસ્‍ટ્રીકટ દ્વારા અસરગ્રસ્‍તો માટે શકય તેટલી તમામ મદદ પહોંચાડવાનો પ્રયાસ ચાલુ છે. તેમ છતાં પરિસ્‍થિતિ થાળે પડતા સમય લાગશે. જો કે તેમણે  એવી આશા વ્‍યકત કરી હતી કે ભારતીય  કોમ્‍યુનીટીના લોકો આ મુશ્‍કેલીમાંથી વહેલી તકે હેમખેમ બહાર આવી જશે.

ઉલ્લેખનીય છે કે આ વાવાઝોડાથી ૧૭ બિલિયન ડોલર જેટલું નુકશાન થયું છે. ૩૭ લોકો માર્યા ગયા છે. તથા ૧પ હજાર જેટલા લોકોનું જનજીવન ખોરવાયું છે. જેઓ ઘરવિહોણા બની ગયા છે.

(12:01 am IST)
  • સુરત:પાટીદાર સમાજના દિગ્ગજ ધીરુભાઈ ગજેરાનું કોંગ્રેસમાંથી રાજીનામુ:કોંગ્રેસ મોવડી મંડળથી નારાજ ગજેરાએ રાજીનામુન આપ્યું :હાલ ધીરુભાઈ ગજેરા કોંગ્રેસના પ્રદેશ ઉપાધ્યક્ષ : ભાજપના ધારાસભ્ય રહી ચૂક્યા છે ધીરુભાઈ ગજેરા :કોંગ્રેસમાંથી વિધાનસભા અને લોકસભાની ચૂંટણી લડ્યા હતાં access_time 9:53 pm IST

  • સુરત:કોસંબા પો.સ્ટે વિસ્તારમાં ઝડપાયો વિદેશી દારૂ:સુરત જીલ્લા LCBએ નેશનલ .હાઇવે ૮ ઉપર પીપોદરા વિસ્તારમાં ઝડપી પાડ્યો વિદેશી દારૂ: આઈશર ટેમ્પા ઉપર તાડપત્રી ઢાંકી સંતાડયો હતો દારૂ: ૪ લાખથી વધુનો વિદેશી બનાવટનો અલગ અલગ બ્રાન્ડ વિદેશી દારૂ તેમજ આઈશર ટેમ્પો કર્યો કબ્જે:પોલીસે ૧૧ લાખથી વધુનો મુદ્દામાલ કબ્જે કરી: ડ્રાઇવરને ભાગેડુ જાહેર કરી વધુ તપાસ હાથધરી. access_time 10:45 pm IST

  • સુરેન્દ્રનગર:માલવણ વિરમગામ હાઈવે પર અકસમાત :કાર અને બાઈક વચ્ચે અકસ્માત સર્જાતા બે વ્યકિતઓને ગંભીર ઇજા:ઇજાગ્રસ્તોને અમદાવાદ સારવાર માટે ખસેડાયા access_time 10:51 pm IST