Gujarati News

Gujarati News

News of Wednesday, 15th May 2019

યુ.એસ.માં ૨૧મે ૨૦૧૯ના રોજ ન્યુ હાઇડ પાર્ક GCP બોર્ડ ઓફ એજ્યુકેશનની ચૂંટણીઃ મિચેલ જે તુલી પાર્ક ખાતે યોજાનારી આ ચૂંટણીમાં ઇન્ડિયન અમેરિકન મહિલા ડો.સંગીતા નિશ્ચલને વિજયી બનાવોઃ સાઉથ એશિઅન અમેરિકન લીડર શ્રી દિલીપ ચૌહાણની અપીલ

ન્યુયોર્કઃ યુ.એસ.માં ૨૧મે ૨૦૧૯ના રોજ ન્યુ હાઇડ પાર્ક-ગાર્ડન સીટી પાર્ક સ્કૂલ બોર્ડ ઓફ એજ્યુકેશનની ચૂંટણી મિચેલ જે તુલી પાર્ક ખાતે યોજાવાની છે. જેમાં ઇન્ડિયન અમેરિકન મહિલા ડો.સંગીતા નિશ્ચલએ ઉમેદવારી નોંધાવી છે. જેઓને સાઉથ એશિઅન કોમ્યુનીટી લીડર શ્રી દિલીપ ચૌહાણએ સમર્થન ઘોષિત કર્યુ છે.

શ્રી ચૌહાણએ ડો.સંગીતા સાથેના પરિચપના કારણે તેઓને આદરણીય તથા કાર્યરત કોમ્યુનીટી લીડર ગણાવ્યા છે.

ડો.સંગીતાએ ઉપરોકત સમર્થનને આવકાર્યુ છે તથા તેઓ સ્ટુડન્ટસના માત્ર શૈક્ષણિક નહીં પરંતુ સર્વાગી વિકાસ માટે આતુર હોવાનું જણાવી કોઇપણ જાતના વધારાના ટેકસ બોજા વિના કોમ્યુનીટીના બાળકો શ્રેષ્ઠ શિક્ષણ મેળવી કારકિર્દી બનાવી શકે તેવા પ્રયત્નો કરવા માંગે છે તેમ જણાવ્યું છે.

ઉલ્લેખનીય છે કે ડો.સંગીતા નિશ્ચલ ફેનસ્ટેન ઇન્સ્ટીટયુટ ઓફ મેડીકલ રિસર્ચમાં વીઝીટીંગ સાયન્ટીસ્ટ છે. તથા સ્કૂલ વિઝન કમિટી, બિલ્ડીંગ લેવલ ટીમ, મલ્ટી કલ્ચરલ કમિટી, તથા ન્યુ હાઇડ પાર્ક ગાર્ડન સીટી પાર્કની સ્કૂલોમાં વોલન્ટીઅર તરીકે સેવાઓ આપે છે.

તેઓને મત આપી વિજયી બનાવવા શ્રી દિલીપ ચૌહાણએ તમામ સાઉથ એશિઅન કોમ્યુનીટી પ્રજાજનો અનુરોધ કર્યો છે. તેવું શ્રી દિલીપ ચૌહાણની યાદી જણાવે છે.

(8:37 pm IST)
  • લોકસભા ચૂંટણી પરિણામ પહેલા બસપા સુપ્રીમો માયાવતી લખનઉથી દિલ્હી દોડ્યા: યુપીએ અધ્યક્ષ સોનિયા ગાંધી અને કોંગ્રેસ અધ્યક્ષ રાહુલ ગાંધીને મળશે: ચૂંટણી પ્રચારમાં કોંગ્રેસના વિરોધમાં આક્રમક ભાષાનો ઉપયોગ કરનારી માયાવતીનું આ પગલું ચોંકાવનારું : ભાજપ પ્રણિત એનડીએને બહુમતી ન મળે તો કેન્દ્રમાં નોન-ભાજપ ગઠબંધન સરકાર બનાવવા માટે મનોમંથન થવાની શકયતા access_time 1:37 am IST

  • ઋષિકપુરને મળવા ન્યુયોર્ક પહોંચ્યા બિઝનેસમેન મુકેશ અંબાણી અને નીતા અંબાણી:ન્યુયોર્કમાં ઈલાજ કરવા ઋષિ કપૂરની ટ્રીટમેન્ટમાં તેમના પત્ની નીતૂ કપૂર તેમનો સાથ આપી રહ્યા છે. ઋષિકપુરે ટ્વીટર પર મુકેશ અંબાણી અને નીતા અંબાણી સાથેનો ફોટો શેર કર્યો હતો. અને લખ્યુ હતુ કે, ધન્યવાદ તમારા પ્રેમ માટે access_time 1:35 am IST

  • આંધ્ર પ્રદેશમાં ફરી તેલુગુ દેશમ પાર્ટી સત્તા પર આવી રહી છે : ચંદ્રાબાબુ નાયડુ ફરી મુખ્ય મંત્રી બનશે : એક્ઝિટ પોલ:આંધ્ર પ્રદેશ વિધાનસભાની ચુંટણીઅંગેના એક્ઝિટ પોલમાં ફરી એકવાર ચંદ્રાબાબુ નાયડુની ટીડીપી સરકાર સત્તા પાર આવી રહયાના તારણો જાહેર થયા છે.:ફર્સ્ટ રિપોર્ટના અહેવાલ મુજબ આંધ્ર વિધાનસભાની ૧૭૫ બેઠકમાંથી ચંદ્રાબાબુના તેલુગુ દેશમ પક્ષને ૧૦૬ બેઠકો સાથે સ્પષ્ટ બહુમતી મળી રહ્યાનું આ એક્ઝિટ પોલમાં દર્શાવાયું છે. access_time 1:36 am IST