Gujarati News

Gujarati News

News of Wednesday, 20th March 2019

ઓસ્ટ્રેલિયાની ઇમીગ્રન્ટસ પોલીસીમાં ફેરફારઃ ઇમીગ્રન્ટસ વીઝામાં ૧૫ ટકાનો કાપ મુકાયોઃ મુખ્ય શહેરોમાં વધી રહેલી ગીચતાને ધ્યાને લઇ લેવાયેલો નિર્ણયઃ પ્રાઇમ મિનીસ્ટર સ્કોટ મોરીસનની ઘોષણાં

સિડનીઃ ઓસ્ટ્રેલિયાના પ્રાઇમ મિનીસ્ટર સ્કોટ મોરીસનએ આજ બુધવારે ઇમીગ્રેશન પોલીસીમાં ફેરફાર કરી ૧૫ ટકાનો કાપ મુકયો છે. ન્યુઝીલેન્ડની ૨ મસ્જીદમાં થયેલા આતંકવાદી હુમલાથી માર્યા ગયેલા ૫૦ ઇમીગ્રન્ટસની ઘટના બાદ આ નિર્ણય લેવાયો છે. જેનો હેતુ શહેરોમાં વધી રહેલી ભીડ તથા ગીચતા ઉપર કાબુ મેળવવાનો છે.

અત્યાર સુધી દર વર્ષે ૧ લાખ ૯૦ હજાર લોકોને વીઝા અપાતા હતા તે સંખ્યા હવે ૧ લાખ ૬૦ હજાર કરી નાખવામાં આવી છે. જે મુજબ ઓસ્ટ્રેલિયામાં આવતા ઇમીગ્રન્ટસને મેલબોર્ન, પર્થ, સિડની અથવા ગોલ્ડ કોસ્ટમાં સ્થાયી થવાની પરવાનગી અપાશે નહીં. તેઓને શરૂઆતના ૩ વર્ષ આ શહેરોની બહારના વિસ્તારોમાં રહેવું પડશે ત્યારપછી જ તેઓ ઉપરોકત શહેરોમાં રહી શકશે.

(8:25 pm IST)
  • બીજી સર્જીકલ સ્ટ્રાઈક આવી રહી છે?: જાણીતા ડેટા એનાલીસ્ટ જી. પ્રધાને તેમના એક ફોલોઅર રેણુકા જૈન - ચોકીદારના એક ટ્વીટનો જવાબ આપતા લખ્યુ છે કે 'અમે તેમને નિરાશ નહિં કરીએ.' રેણુકા જૈને લખ્યુ હતું કે રોજ હું સવારે ઉઠુ છુ ત્યારે શિવજી પ્રતિ મારો ભાવ પ્રગટ કરી સમાચારો જોવા લાગુ છું કે પાકિસ્તાન ઉપર બીજો હુમલો થયો કે નહિં? તેના જવાબમાં ડો.જી.પ્રધાને સુચક રીતે લખ્યુ છે કે ''અમે તમને નિરાશ નહિં કરીએ'' જેનો અર્થ એવો કઢાઈ રહ્યો છે કે આતંકીઓના છોતરા કાઢવા બીજી સર્જીકલ સ્ટ્રાઈક તોળાઈ રહી છે. access_time 11:28 am IST

  • સપા -બસપાના ઉમેદવાર શફીકુર્રરહમાન બર્કનું વિવાદી નિવેદન :કહ્યું વંદેમાતરમના આજે પણ અમે વિરોધી છીએ :ચાર વખત સાંસદ અને યુપી સરકારમાં મંત્રી રહી ચૂકેલા બર્કે મુરાદાબાદમાં કહ્યું કે તેઓ વંદેમાતરમનો ખુલીને વિરોધ કરે છે :પૂર્વ સંસદે કેમરા સમક્ષ ભાર મૂકીને કહ્યું કે તેઓ આજે પણ વંદેમાતરમનો વિરોધ કરે છે :ગત સરકારમાં સંસદમાં ચાલતા રાષ્ટ્રગીતનો વિરોધ કરીને બર્કે વોકઆઉટ કર્યો હતો access_time 12:31 am IST

  • ‘મૈં ભી ચોકીદાર’માં નવી રણનીતિ :ભાજપ દેશભરના 500 સ્થળે વીડિયો કોન્ફરન્સથી કરશે ચોકીદાર અભિયાનનો પ્રારંભ:વડાપ્રધાને મોદીએ કહ્યું હતું કે હું વડાપ્રધાન નથી પરંતુ દેશનો ચોકીદાર છું:હવે ચોકીદાર રાજનિતી એક બ્રાન્ડ બની :લોકસભા ચૂંટણીમાં ગાજશે મુદ્દો access_time 1:17 am IST