Gujarati News

Gujarati News

News of Wednesday, 19th September 2018

અમેરિકાના કનેકટીકટ ન્યુ ઇંગ્લાંડમાં રર સપ્ટે. ર૦૧૮ ના રોજ સૌ પ્રથમવાર ભારતના લોકપ્રિય ''નવરાત્રિ ગરબા'' ની રમઝટ બોલશેઃ વડોદરાના વિખ્યાત સિંગર આચલ મહેતા તથા તેમની ટીમ ખેલૈયાઓને ગરબે ઘુમાવશે

કનેકટીકટઃ અમેરિકાના કનેકટીકટ ન્યૂ ઇંગ્લાંડમાં સૌપ્રથમવાર ભારતનો લોકપ્રિય તહેવાર નવરાત્રિ બહુ મોટા પાયે ઉજવવાનું આયોજન કરાયું છે.

વડોદરાના વિશ્વ વિખ્યાત સુશ્રી આચલ મહેતા તથા તેમના ગ્રૃપના ઉપક્રમે આઠ હજાર લોકોની કેપેસીટી ધરાવતા ન્યુબ્રિટન ફુટબોલ સ્ટેડીયમ, ર૩૦ જોહન કાર્બોનિક વે ન્યુ બ્રિટન કનેકટીકટ મુકામે રર સપ્ટે. ર૦૧૮ શનિવારના રોજ આઉટ ડોર ગરબાનું આયોજન કરાયું છે. સાંજે ૬ વાગ્યાથી શરૃ થનારા આ દરબાની રમઝટ મધ્યરાત્રિ સુધી ચાલશે. જેમા સુશ્રી આચલ મહેતા તથા તેમની ટીમ ખેલૈયાઓને ગરબે ઘૂમાવશે તથા સહુને જાણે કે તેઓ ભારતમાં જ હોય તેવો અનુભવ કરાવશે.

રાસ ગરબાની રમઝટ માણવાની સાથે ઉપસ્થિતો આ મેદાનમાં ઉભા કરાવેલા વિવિધ બુથની મુલાકાતનો પણ લાભ લઇ શકશે. જેમાં સ્ટ્રીટ ફૂડ, ડ્રેસીઝ શોપીંગ બુથ્સ, જવેલરી સહિતના બુથ્સનો સમાવેશ થશે.

તેથી સૌપ્રથમવાર ન્યુ ઇંગ્લાંડમા ઉજવાનારા આ ગરબા મહોત્સવનો લાભ લેવા તમામને અનુરોધ કરાયો છે. જે માટે જનરલ પ્રવેશ ફી ૧ર ડોલર રાખવામાં આવી છે. તથા ફ્રી પાર્કીગની સુવિધા કરવામાં આવી છે. આ ટિકિટ અગાઉથી મેળવી લેવાની રહેશે. સ્થળ ઉપર તેની કિંમત  ૧પ ડોલર થશે. આઇ.ડી.કાર્ડ સાથે આવેલ સ્ટુડન્ટસ માટે પ્રવેશ ફી ૧૦ ડોલર રાખવામાં આવી છે. તેમજ પરિવાર સાથે પાંચ વર્ષથી ઓછી ઉંમરના બાળકો માટે વિનામૂલ્યે પ્રવેશની વ્યવસ્થા કરાઇ છે.

ઓનલાઇન ટિકિટ મેળવવા માટે www.hungamacity.navratrigarbact ર૦૧૮ દ્વારા સંપર્ક સાધવા જણાવ્યું છે. બુથ રાખવા માટે સંપર્ક સાધવા જણાવાયું છે.

ટિકિટ મેળવવા માટે પટેલ ફુડસ માન્ચેસ્ટર કનેકટીકટ 860-645-6100,  ઇન્ડિયા બજાર સાઉથીંગ્ટોન કનેકટીકટ 860-863-5244,  એશિયન ગ્રેાસર્સ ક્રોમવેલ કનેકટીકટ 860-632-2262 , ભારત બજાર ઓરેન્જ કનેકટીકટ 203-298-4050,  પટેલ બ્રધર્સ નોર્વાક  કનેકટીકટ 203-939-1777, ઇન્ડિયન ફુડસ  એન્ડ સ્પાઇસ ડેનબરી કનેકટીકટ (203) 730-0076 દ્વારા સંપર્ક સાધી શકાશે.

બુથ, સ્પોન્સરશીપ તથા વિશેષ માહિતી માટે શ્રી રાજીવ દેસાઇ 860-796-2162, શ્રી રાહુલ દેસાઇ 860-919-2560  અથવા શ્રી સંજય શાહનો કોન્ટેકટ નં.  860-729- 8921 દ્વારા સંપર્ક સાધવા વલ્લભધામ/ વૈષ્નવ પરિવાર ઓફ કનેકટીકટની યાદીમાં જણાવાયું છે.

(10:40 pm IST)
  • સુરત:કોસંબા પો.સ્ટે વિસ્તારમાં ઝડપાયો વિદેશી દારૂ:સુરત જીલ્લા LCBએ નેશનલ .હાઇવે ૮ ઉપર પીપોદરા વિસ્તારમાં ઝડપી પાડ્યો વિદેશી દારૂ: આઈશર ટેમ્પા ઉપર તાડપત્રી ઢાંકી સંતાડયો હતો દારૂ: ૪ લાખથી વધુનો વિદેશી બનાવટનો અલગ અલગ બ્રાન્ડ વિદેશી દારૂ તેમજ આઈશર ટેમ્પો કર્યો કબ્જે:પોલીસે ૧૧ લાખથી વધુનો મુદ્દામાલ કબ્જે કરી: ડ્રાઇવરને ભાગેડુ જાહેર કરી વધુ તપાસ હાથધરી. access_time 10:45 pm IST

  • લ્યો બોલો !! પ્રદિપસિંહ જાડેજા કહે છે ગુજરાતના ધારાસભ્યોને અન્ય રાજય કરતા ઓછો પગાર મળે છે : ધારાસભ્યોને ૭૦ને બદલે ૧.૧૬ લાખ : પ્રધાનોને ભથ્થા સાથે દર મહિને ૧.૩ લાખ મળશે : ૨૨-૧૨-૨૦૧૭થી નવો પગાર મળશે : રોજનું ભથ્થુ ૨૦૦ રૂ.ના બદલે ૧૦૦૦ મળે તેવો સુધારો : ટપાલ ખર્ચ ૧૦ હજાર મળશે...! (ટપાલ કોઈ લખે છે ખરા?) પ્રદિપસિંહ જાડેજાએ મુકેલ વિધયેકને કોંગ્રેસ વધાવી લઈ ટેકો આપ્યો access_time 1:38 pm IST

  • કરાઈ પાસે સાબરમતી નદીમાં અમદાવાદના 10 યુવકો ડૂબ્યા : ગાંધીનગર નજીક કરાઈ પાસે સાબરમતી નદીમાં ગણેશ વિસર્જન વેળાએ અમદાવાદના ચાંદલોડીયા વિસ્તારના 10 યુવકો ડૂબ્યા : ફાયર બ્રિગેડ દ્વારા 7 યુવકોને બચાવી લેવાયા: બાકીના 3 યુવકોની શોધખોળ શરૂ કરાતા 1 યુવકની લાશ મળી: હજુ પણ 2 યુવકોની શોધખોળ ચાલુ access_time 1:02 am IST