Gujarati News

કેલિફોર્નિયાઃ યુ.એસ.ના કેલિફોર્નિયામાં આવેલી રેસ્ટોરન્ટમાં કામ કરતા શીખ કલાર્કને મુસ્લિમ સમજી તેને મુંઢ માર મારવાના તથા ગરમ કોફી તેના મ્હોં ઉપર ઢોળી દઇ ઇજા પહોંચાડવાના આરોપસર એક શકમંદ યુવાન જહોન ક્રેઇનની ધરપકડ થઇ છે.

શીખ કલાર્કએ જણાવ્યા મુજબ આરોપીએ કોફી જાતે બનાવી હતી. તથા તે નાણાં ચૂકવ્યા વિના જવાની કોશિષ કરી રહ્યો હતો. શીખ કર્મચારીએ તેને રોકવાની કોશિષ કરતા તેના ઉપર હુમલો કરી ગરમ કોફી મોઢા ઉપર રેડી દીધી હતી. હેટક્રાઇમ સમી આ ઘટના વિરૂધ્ધ શીખ સંગઠને આરોપી ઉપર હેટક્રાઇમ એકટ લગાડવા અપીલ કરી છે. આરોપીએ જણાવ્યા મુજબ તેણે આ કલાર્કને મુસ્લિમ સમજી હુમલો કર્યો હતો.