Gujarati News

Gujarati News

News of Tuesday, 18th June 2019

અમેરિકામાં ભારતીય મુળના પરિવાર પર અંધાધુંધ ગોળીબાર : ૪ ના મોત

મૃતકો આંધ્ર પ્રદેશના ગંટુર જિલ્લાના તસુંદુરના રહેવાસી હતા

વોશિંગ્ટન તા ૧૮ : અમેરિકાના લોવા સ્ટેટના વેસ્ટ ડેસ મોઇનેસ સિટીમાં અજાણ્યા હુમલાખોરોએ ઘરમાં ઘુસીને ભારતીયમુળના પરિવાર પર ગોળીઓ વરસાવી હતી, જેમાં ચાર લોકોનો મોત થયાં હતા. શનિવાર સવારે બનેલી ઘટનામાં પાડોશીઓએ પોલીસને જાણ કરતાં મામલો સામે આવ્યો હતો.

મૃતકોની ઓળખ ચંદ્રશેખર શંકરા (૪૪),લાવણ્ય શંકરા (૪૧),અને તેમના બે પુત્રો તરીકે થઇ છે, જેમની ઉંમર ૧૫ અને ૧૦ વર્ષ હતી. વેસ્ટ ડેસ મોઇનેસ પોલીસના જણાવ્યા મુજબ ઘટનાસ્થળ પર ઘણા રાઉેન્ડ ફાયરિંગ થયાના પુરાવા મળ્યા છે. હત્યાનુ કારણ હજી સુધી જાણી શકાયું નથી.

પ્રાપ્ત માહીતી મુજબ મૃતકો આંધ્ર પ્રદેશના ગંટુર જિલ્લાના તસુંદુરના રહેવાસી હતા. ચંદ્રશેખર વધુ અભ્યાસ માટે યુ.એસ. ગયા હતા અનેપરિવાર સાથે ત્યાં સ્થાયી થયા હતા.

પોલીસના જણાવ્યા મુજબ ચંદ્રશેખર શંકરા છેલ્લા ૧૧ વર્ષથી લોવા ડિપાર્ટમેન્ટ ઓફ પબ્લિક સેફટીના ટેકનોલોજી સર્વિસ બ્યુરોમાં કામ કરતા હતા. તેમનો પરિવાર આ ઘરમાં ગયા માર્ચ મહિનાથી રહેતો હતો. ઘટના બાદ મૃતકોના સબંધીઓ, મિત્રો અને સહકર્મીઓ ડરેલા છે.

(11:39 am IST)
  • બિહારમાં ગરમીનો પ્રકોપ : સરકારે ૧૪૪મી કલમ લગાવી લોકોને ગરમીના પ્રકોપથી બચાવવા ગયામાં ૧૪૪મી કલમ લાગુ કરી દેવાઈ access_time 5:53 pm IST

  • કેન્દ્ર સરકારે વધુ ૧૫ ઉચ્ચ અધિકારીઓને ઘરે બેસાડી દીધા : કેન્દ્ર સરકારે કેન્દ્રીય અપ્રત્યક્ષ કર તથા કસ્ટમ બોર્ડના ૧૫ ઉચ્ચ અધિકારીઓને ફરજીયાત નિવૃત્ત કરી દીધા છેઃ આ અગાઉ પણ સરકારે આયકર વિભાગના ૧૨ અધિકારીઓને ઘરે બેસાડી દીધા હતાઃ આ બધા અધિકારીઓ ઉપર નિયમોની વિરૂદ્ધ કાર્ય કરવાનો આરોપ હતો access_time 3:54 pm IST

  • હવામાન વિભાગમાં માત્ર ૯ મીમી વરસાદ નોંધાયો : રાજકોટ : શહેરમાં આજે સવારથી હળવા-ભારે ઝાપટા પડી રહ્યા છે ત્યારે રાજકોટ મ્યુનિસિપલ કોર્પોરેશનના આંકડાઓમાં શહેરમાં વિવિધ સ્થળોએ અડધાથી એક ઈંચ જેટલો વરસાદ નોંધાયો છે ત્યારે રાજકોટ સ્થિત હવામાન ખાતામાં માત્ર ૯ મી.મી. વરસાદ નોંધાયો છે. બપોરે ૩ વાગ્યે ૯૨% ભેજ સાથે ૧૮ કિ.મી.ની ઝડપે પવન ફૂંકાય છે. વરસાદી માહોલના પગલે મહત્તમ તાપમાન ગગડ્યુ છે. ૨૭ ડિગ્રી ઉષ્ણતામાન નોંધાયુ છે. access_time 8:49 am IST