Gujarati News

Gujarati News

News of Tuesday, 17th November 2020

'મુક્ત અને નિષ્પક્ષ ચૂંટણી' માટેની અમારી લડત ચાલુ છે : અનેક રાજ્યોમાં ચૂંટણીના પરિણામોમાં ઘાલમેલ થઇ છે : અમારી પાસે પુરાવાઓ છે : ચૂંટણીના પરિણામો બદલાશે : પરાજિત જાહેર થયેલા અમેરિકાના પ્રેસિડન્ટ ડોનાલ્ડ ટ્રમ્પના મહિલા એટર્ની સિડની પોવેલનો ચોંકાવનારો ઈન્ટરર્વ્યું

વોશિંગટન :  અમેરિકાના પ્રેસિડન્ટ  ડોનાલ્ડ ટ્રમ્પના મહિલા એટર્ની સિડની પોવેલે રવિવારે આપેલા એક ઇન્ટરવ્યૂમાં ચૂંટણી પરિણામોમાં ઘાલમેલ થઇ હોવાનો આક્ષેપ કર્યો હતો.તથા આ પરિણામોમાં ફેરફાર થશે તેમ જણાવ્યું હતું.

તેમણે  ઉમેર્યું હતું કે અનેક રાજ્યોમાં મત ગણતરીમાં ઘાલમેલ થઇ છે.તથા અનિયમિતતાઓ બહાર આવી છે.તેના અમારી પાસે પૂરતા પુરાવાઓ છે.અમુક તો 2016 ની સાલ પહેલાના પણ છે.જે અંતર્ગત જો બિડેનની ટીમના એક  સભ્ય, ખામીયુક્ત વોટિંગ સિસ્ટમ્સ ધરાવતી  સોફ્ટવેર કંપનીના બોર્ડ ઓફ ડાયરેક્ટરમાં પણ છે.

પોવેલે જણાવ્યું હતું કે, સ્માર્ટમેટિક નામનું ડબ થયેલ સોફ્ટવેર મતદાનના પરિણામો બદલવાના એકમાત્ર હેતુ માટે બનાવવામાં આવ્યું છે.જે મુજબ ધાર્યા પરિણામો મેળવવા માટે કેટલા મતો બદલવાની જરૂર છે તે બાબત જાણી શકાય છે.પ્રેસિડન્ટ ટ્રમ્પના પર્સનલ એટર્ની રૂડી જીયુલાનીએ પણ જણાવ્યું હતું કે ચૂંટણી સિસ્ટમમાં ખામીને લગતા બધા પુરાવા બહાર આવશે. દરમિયાન, પોવેલે  ચૂંટણી સંબંધિત પ્રમાણપત્રો રજૂ કરવાની  સમયમર્યાદા પૂર્વે તમામ સંબંધિત એફિડેવિટ્સ અને છેતરપિંડીના પુરાવા જાહેર કરવાની આશા વ્યક્ત કરી હતી.

જોકે ડોમિનિયને તેના સોફ્ટવેર સાથે ચેડા કર્યા હોવાના દાવાને નકારી કાઢ્યો હતો, અને ઉમેર્યું હતું કે આ  ચૂંટણી “અમેરિકન ઇતિહાસની  સૌથી વધુ  સુરક્ષિત ચૂંટણી છે.તેવું oann દ્વારા જાણવા મળે છે.

(12:37 pm IST)
  • દેશમાં કોરોનાના કેસનો આંકડો 89 લાખને પાર પહોંચ્યો : સ્વસ્થ થનારની સંખ્યા 83 લાખને વટાવી ગઈ : એક્ટિવ કેસ 4.50 લાખથી ઓછા : નવા કેસ કરતા સ્વસ્થ થનારની સંખ્યામાં એકધારો વધારો :એક્ટિવ કેસમાં સતત ઘટાડો :રાત્રે 12 વાગ્યા સુધીમાં કોરોનાના નવા 38,478 કેસ નોંધાયા :કુલ કેસનો આંકડો 89,12,704 થયો :એક્ટીવ કેસ ઘટીને 4,46,657 થયા:વધુ 44,671 દર્દીઓ સ્વસ્થ થતા કુલ 83,33,013 રિકવર થયા :વધુ 471 લોકોના મોત સાથે કુલ મૃત્યુઆંક 1,31,031 થયો access_time 12:45 am IST

  • દિલ્હીની કેટલીક બજારોમાં લોકડાઉન આવી રહ્યાના સંકેતો મળે છે : દિલ્હીમાં કોરોના એ જબરો ઉપાડો લીધો છે. દરરોજ સાડા ત્રણથી ચાર હજાર કેસો નોંધાઈ રહ્યા છે ત્યારે, દિલ્હીની કેજરીવાલ સરકારે કોવિડ હોટ સ્પોટ ગણાતા મહત્વની માર્કેટોમાં લોક ડાઉન લાદવાનો પ્લાન ઘડી કાઢવાનું જાણવા મળે છે. access_time 5:36 pm IST

  • એમપીમાં લવ જેહાદ વિરુદ્ધ આકરી સજાની જોગવાઇવાળો કાયદો આવી રહ્યો છે : મધ્યપ્રદેશની શિવરાજસિંહ ચૌહાણની ભાજપ સરકાર આવી રહેલા વિધાનસભા સત્રમાં લવ જેહાદ વિરુદ્ધ કાયદો લાવી રહ્યાનું મધ્યપ્રદેશના ગૃહ મંત્રી નરોત્તમ મિશ્રાએ જણાવ્યું છે access_time 5:18 pm IST