Gujarati News

Gujarati News

News of Tuesday, 16th October 2018

આને કહેવાય ગુજરાતી! અમેરિકાની પોલીસને કરાવ્યા 'ચાર ચાર બંગડી..' પર ગરબા, VIDEO વાયરલ

ન્યુયોર્ક, તા.૧૬: કહેવાય છે ને કે 'જયાં જયાં વસે ગુજરાતી ત્યાં સદાકાળ ગુજરાત' આ કહેવતને સાચો ઠેરવતો એક વીડિયો હાલમાં સોશિયલ મીડિયા પર વાઇરલ થયો છે. આ વીડિયોમાં અમેરિકન પોલીસ ગુજરાતી ગ્રુપ જોડે અમેરિકાનાં કોઇ શહેરમાં ગરબા લેતા નજરે આવે છે. હાલમાં તે કહેવું મુશ્કેલ છે કે આ વીડિયો અમેરિકાનાં કયા વિસ્તારનો છે. પણ પોલીસનાં કપડાં પરથી ચોક્કસ કહી શકાય છે કે આ વીડિયો અમેરિકાનો છે.

ત્યારે એક નહીં બે અમેરિકન પોલીસ ગુજરાતી ગ્રુપ સાથે ગરબા લેતા નજર આવે છે. તેઓ પણ ગુજરાતી સુપર હિટ સોન્ગ ચાર ચાર બંગડી વાળી ગાડી...ને એન્જોય કરી રહ્યાં હોય તેમ આ વીડિયોમાં નજર આવી રહ્યું છે.

ગુજરાતીઓએ અમેરિકાની પોલીસને કિંજલ દવેનાં વર્લ્ડ ફેમસ સોન્ગ 'ચાર ચાર બંગળીવાળી ગાડી' પર ગરબા કરાવતા નજરે આવે છે.

(3:16 pm IST)