Gujarati News

વોશીંગ્ટનઃ બેફામ વાણી વિલાસ માટે મશહુર થઇ ચૂકેલા અમેરિકાના પ્રેસિડન્ટ ડોનાલ્ડ ટ્રમ્પએ તાજેતરમાં ફરી એકવાર વિવાદનો મધપૂડો છોડયો છે.

તેમણે રવિવારે ટિવટર ઉપર કોંગ્રેસમાં સૌપ્રથમવાર ચૂંટાઇ આવેલી ૪ વિદેશી મુળની મહિલાઓ વિષે વંશીય ટિપ્પણી કરી હતી તથા તેઓએ પોતાના વતનમાં પાછા જતા રહેવું જોઇએ ''ગૌ બેક'' તેવું કહ્યું હતું. તથા તેઓને પ્રોગ્રેસિવ ડેમોક્રેટ કોંગ્રેસ વુમન્સ કહી હતી. આ ૪ મહિલા સાંસદોમાં એલેકઝાન્ડ્રીયા ઓકાસિયો ઇલ્હાન ઉમર રશીદા તલૈબ તથા અયાના પ્રેસલેનો સમાવેશ થાય છે. ટ્રમ્પના આ નિવેદનને ઘણી જાતિના લોકો તથા પ્રવાસીઓ માટે ખતરાના રૂપમાં જોવામાં આવી રહ્યું છે.

ઉલ્લેખનીય છે કે આ અગાઉ પણ તેઓ પૂર્વ પ્રેસિડન્ટ બરાક ઓબામા વિરૂધ્ધ પણ ટિપ્પણી કરી ચૂકયા છે.