Gujarati News

Gujarati News

News of Tuesday, 17th July 2018

ગલ્ફ દેશોમાં ફેમિલી ટેકસ ડબલ થઇ જતાં એક હજાર ઉપરાંત ભારતીય પરિવારો વતનમાં પરત ફર્યા

દુબઇઃ ગલ્ફ દેશોમાં વસતા વિદેશીઓ ઉપર લદાયેલા ભારે ફેમિલી ટેકસના કારણે એકલા સાઉદી અરેબિયામાંથી જ પાંચસોથી બારસો જેટલા ભારતીય પરિવારો પરત ફરવા મજબૂર બન્યા છે. આ ભારતીયોમાં મધ્યમ વર્ગના લોકો વધુ છે જેમની આવક બહુ નથી. તેમના માટે નવેસરથી ભારતમાં સ્થાયી થવાની નોબત આવી છે. જેમાં મોટા ભાગના કર્ણાટકના વતનીઓ છે.

ઉલ્લેખનીય છે કે ગલ્ફ દેશોમાં લેવાતો ફેમિલી ટેકસ આ વર્ષથી ડબલ થઇ ગયો છે. જે ગયા વર્ષે ૩૦૦ રિઆલ (અંદાજે ૫૫૦૦ રૂપિયા)હતો. આ ટેકસ ૨૦૧૯ની સાલ પછીના વર્ષોમાં વધતો જવાનો છે તેથી ઓછી આવક ધરાવતા ભારતીયો પોતાનો ઘરખર્ચ કાઢયા પછી વતનમાં નાણાં મોકલી શકે નહીં તેવા સંજોગોનું નિર્માણ થતા ફરજીયાત પરત ફરવુ પડ્યુ છે.

(10:52 am IST)
  • દક્ષિણ ગુજરાત અને મુંબઈમાં ભારે વરસાદના કારણે શાકભાજીના ભાવમાં ભડકો :સુરત,નવસારી વલસાડ વાપી અને મહારાષ્ટ્ર તરફથી આવતા શાકભાજીઓનીઓ ભારે અછત :ભારે વરસાદનાં અનેક શાક માર્કેટ બંધ: શાકભાજીનાં ભાવ ઉંચકાતા ગૃહણીઓનું બજેટ ડામાડોળ access_time 1:12 am IST

  • વેચાયેલી ખેતીની જમીન પરત માંગતા ખેડૂતો અંગે હાઇકોર્ટનો મહત્ત્વનો ચૂકાદો : કોર્પોરેટ કંપની દ્વારા ખરીદવામાં આવેલી ખેતીની જમીન મામલે ગુજરાત હાઈકોર્ટ દ્વારા મહત્ત્વનો ચુકાદો આપતા જણાવાયું હતું કે, એક વખત ખેતીની જમીન વેંચાણ કરી દીધા બાદ આવી જમીન પરત મેળવવા માટે ખેડૂતો હક્કદાર રહેતા નથી. કોર્પોરેટ કંપનીઓને ખેતી માટે પોતાની ખેતીની જમીન એકવાર વેચ્યા પછી, ખેડૂતોને સોદાના વેચાણ અને માગને રદ કરવાનો અધિકાર નથી. access_time 1:40 am IST

  • પુરાતત્ત્વવિદોના એક સમૂહને આ મહિને ઉત્તર ઇજિપ્તના એલેક્ઝેન્ડ્રિયામાંથી 2000 વર્ષ પહેલાનું તોતિંગ તાબૂત મળ્યું છે. આ તાબૂતનો ટૉલોમેઇક યુગ(ઇ.સ. પૂર્વે 300થી 200)નું છે. આ યુગની શરૂઆત સિકંદરના મૃત્યુ સાથે થઈ હતી, જેમણે એલેક્ઝેન્ડ્રિયા વસાવ્યું હતું. પુરાતત્વવિદોએ શક્યતા વ્યક્ત કરી છે કે આ મકબરો સિકંદર અથવા એલેક્ઝાન્ડ્રિયાના કોઇ અમીર વ્યક્તિનો હોઇ શકે છે. access_time 1:40 am IST