Gujarati News

Gujarati News

News of Saturday, 17th April 2021

અમેરિકાના પ્રેસિડન્ટ જો બિડેને ભારતીય મૂળની બે મહિલાઓને મહત્વના હોદાઓ ઉપર નિમણુંક આપી : ટ્રાન્સપોર્ટેશન વિભાગમાં સુશ્રી મીરા જોશી અને પર્યાવરણ સુરક્ષા માટે સુશ્રી રાધિકા ફોક્સને તક આપી

વોશિંગટન :  અમેરિકાના પ્રેસિડન્ટ જો  બિડેને બુધવારે દેશના બે અગ્રણી વહીવટી પદ પર બે ભારતીય મૂળની  મહિલાઓની નિમણૂક કરવાની ઘોષણાં કરી હતી, જેમાં ટોચના વકીલ અને એક કાર્યકારી અધિકારીનો સમાવેશ થાય છે. બિડેનના નિર્ણયને સુશ્રી મીરા જોશી અને સુશ્રી રાધિકા ફોક્સની બઢતી તરીકે જોવામાં આવે છે, જેઓ 20 જાન્યુઆરીએ, બીડેનના પ્રેસિડન્ટ પદના  પહેલા જ દિવસે વહીવટમાં જોડાયા હતા.

વ્હાઇટ હાઉસે એક નિવેદનમાં જણાવ્યું છે કે સુશ્રી જોશીને ટ્રાન્સપોર્ટેશન ડિપાર્ટમેન્ટ પરિવહન વિભાગમાં ફેડરલ મોટર વ્હીકલ સેફ્ટી એડમિનિસ્ટ્રેશનના એડમિનિસ્ટ્રેટર માટે નિયુક્ત કરવામાં આવ્યા છે, જ્યારે સુશ્રી રાધિકા ફોક્સને જળ, પર્યાવરણીય સુરક્ષા એજન્સી માટે સહાયક વહીવટકર્તા તરીકે નિયુક્ત કરવામાં આવ્યા છે.તેવું એચ.ટી.દ્વારા જાણવા મળે છે.

(12:50 pm IST)
  • બજાજ કંપનીએ ચેતક ઇલેક્ટ્રિક સ્કૂટરનું બુકીંગ બંધ કર્યું : 13 એપ્રિલના રોજ ગુડી પડવાને દિવસે શરૂ કરેલા બુકીંગનો ક્વોટા 48 કલાકમાં પૂરો : ઓનલાઇન બુકીંગ માટે બેંગ્લુરુ તથા પુણેમાંથી ભારે ધસારો જોવા મળ્યો : ફરીથી બુકિંગની તારીખ હવે પછી જાહેર કરશે access_time 8:21 pm IST

  • પોરબંદર માણેક ચોક શ્રીનાથજી હવેલીમાં કાલે તા. ૧૮ થી તમામ દર્શન ભીતર (અંદર)માં થશે : મનોરથ લેવામાં નહીં આવે : શ્રીનાથજી હવેલીની યાદી access_time 9:18 pm IST

  • રાજકોટ શહેર - જિલ્લામાં કોરોના ફુફાળો યથાવત : આજે સાંજ સુધીમાં રાજકોટ શહેરમાં 707 અને ગ્રામ્યના 52 કેસ સાથે કુલ અધધધ 759 નવા કોરોના ના કેસ નોંધાયા : લોકો લાચાર access_time 7:57 pm IST