Gujarati News

Gujarati News

News of Tuesday, 17th April 2018

યુ.એસ.માં ૫ એપ્રિલ ૨૦૧૮ થી લાપતા ઇન્‍ડિયન અમેરિકન પરિવારની મહિલા સૌમ્‍યાનો મૃતદેહ મળી આવ્‍યોઃ પોર્ટલેન્‍ડથી સાન જોસ મુકામે કારમાં પરત આવતી વખતે રસ્‍તામાં ભારે વરસાદ તથા નદીના પૂરમાં પરિવાર ગરક થઇ ગયાની શંકાને અનુમોદન

કેલિફોર્નિયાઃ યુ.એસ.ના સાઉધર્ન કેલિફોર્નિયા સ્‍થિત ઇન્‍ડિયન અમેરિકન પરિવાર પાંચ એપ્રિલ ૨૦૧૮થી લાપતા હતો. જેમાં ૪૨ વર્ષીય સંદીપ થોટાપિલ્લી, તથા તેમના પત્‍ની ૩૮ વર્ષીય સૌમ્‍યા થોટાપિલ્લી, તથા તેઓના બે બાળકો ૧૨ વર્ષીય પુત્ર વિધ્‍ધાંત અને ૯ વર્ષીય પુત્રી સાચીનો સમાવેશ થતો હતો.

આ પરિવાર પોર્ટલેન્‍ડથી સાન જોસ મુકામે પરત આવી રહ્યો હતો ત્‍યારે રસ્‍તામાં સખત વરસાદ અને નદી હોવાથી ગૂમ થઇ ગયો હતો. જેમની કાર રસ્‍તામાં આવતી એલ રિવરમાં તણાઇ ગઇ હોવાનું અનુમાન હતું.

અંતે આ અનુમાનને પુષ્‍ટિ મળી રહી હોવાનું જાણવા મળે છે. જે મુજબ ૧૩ એપ્રિલ ૨૦૧૮ના રોજ મેન્‍ડિકોનો કાઉન્‍ટી શેરીફની ઓફિસના જણાવ્‍યા મુજબ એક પુખ્‍ત વળની મહિલાનો મૃતદેહગ એલ રિવરના પ્રવાહમાંથી મળી આવ્‍યો છે. જો કે તેની ઓળખ બાકી છે. પરંતુ આ મૃતદેહ ગૂમ થયેલા થોટાપિલ્લી પરિવારની ૩૮ વર્ષીય સૌમ્‍યાનો હોઇ શકે છે. તેવું સમાચાર સૂત્રો દ્વારા જાણવા મળે છે.

(10:05 pm IST)
  • વડોદરાના બહુચર્ચિત ભટનાગર બંધુઓની ધરપકડ : વડોદરામાં રૂ. 2654 કરોડના કૌભાંડમાં પિતા સુરેશ ભટનાગર અને બન્ને ભાઈઓ અમિત - સુમિત ભટનાગરની ધરપકડ : રાજસ્થાનના ઉદયપુરથી કરાઈ ત્રણેયની ધરપકડ : CBI અને ATSનું સંયુક્ત સફળ ઓપરેશન access_time 12:34 am IST

  • લાલગેટ વિસ્તારમાં પતિએ પત્નીની હત્યા કરી છે. પતિએ પત્નીનું ગળું દબાવીને હત્યા કરી હોવાની ઘટના સામે આવી છે. હત્યા કરીને પત્નીના ટુકડા ઉધના વિસ્તારમાં આવેલી ખાડીમાં નાખી દેતા સમગ્ર મામલો સામે આવ્યો છે. પોલીસનો દાવો છે કે રવિવારે હત્યા કરીને લાશ સગેવગે કરવા અલગ અલગ જગ્યાએ શરીરના ટુકડા નાખ્યા હતા. યુવતીનું માથું ઘરમાંથી મળી આવ્યું હતું. આ મામલે સામે આવ્યું છે કે પતિએ છરા વડે પત્નીના શરીરના ટુકડા કર્યા અને ત્યારબાદ તેના મૃતદેહના ટુકડાને પ્લાસ્ટિકની થેલીમાં પેક કરી દીધા. ત્યારબાદ ઘરની સાફ-સફાઈ કરી હતી. પત્નીના હાથ અને પગના ટુકડાની થેલી ખાડીમાં નાંખવા જતો હતો ત્યારે પેટ્રોલિંગ કરી રહેલી પોલીસે તેને રંગેહાથ ઝડપ્યો. access_time 4:01 am IST

  • પશ્ચિમ બંગાળમાં જોરદાર આંધી :8ના મોત :કેટલાય ઘાયલ :બે અલગ અલગ જગ્યાએ દુર્ઘટના : મૃતકોમાં ચાર લોકો કોલકાતાના અને ચાર લોકો હાવડાના રહેવાશી access_time 1:35 am IST