Gujarati News

Gujarati News

News of Saturday, 14th April 2018

‘‘મિસીસ એશિયા યુ.કે., સૌંદર્ય સ્‍પર્ધા'': લંડનમાં યોજાઇ ગયેલી પરણેલીસ્ત્રીઓ માટેની સૌંદર્ય સ્‍પર્ધામાં વિજેતા બનતી ભારતીય મુળની મહિલા ૩૩ વર્ષીય શ્રી ભવાની રાકેશ : જુલાઇ ર૦૧૮માં જમૈકા મુકામે યોજાનારી આંતરરાષ્‍ટ્રીય સ્‍પર્ધામાં યુ.કે.નું પ્રતિનિધિત્‍વ કરશે

લંડન : યુ.કે. સ્‍થિત ભારતીય મુળની પરણિત મહિલા ૩૩ વર્ષીય સુશ્રી શ્રી ભવની રાકેશ ‘‘મિસીસ એશિયા યુ.કે. સૌંદર્ય સ્‍પર્ધામાં વિજેતા થઇ છે.

ર૦૧૮ની સાલની શરૂઆતમાં લંડન મુકામે યોજાયેલી આ સ્‍પર્ધામાં ભારતના કર્ણાટકના પરિાવરની આ પુત્રી શ્રીભવનીએ બેંગલોરમાં અભ્‍યાસ કર્યો છે. તથા યુ.કે. સ્‍થિત બિઝનેસ એનાલીસ્‍ટ યુવાન રાકેશ મહેશ્વરન સાથે ર૦૧રની સાલમાં  લગ્ન કર્યા બાદ પતિ સાથે માન્‍ચેસ્‍ટરમાં સ્‍થાયી થઇ છે.

ફાર્મસી ટીચર તરીકે કાર્યરત શ્રી ભવનીએ મહિલાઓને થતા બ્રેસ્‍ટ કેન્‍સર અંગે જાગૃતિ લાવવા માટે સક્રિય કામગીરી બજાવેલ છે. આગામી જુલાઇ ર૦૧૮માં જમૈકા ખાતે યોજાનારી પરણિતસ્ત્રીઓ માટેની આંતરરાષ્‍ટ્રીય સ્‍પર્ધામાં તે યુ.કે.નુ પ્રતિનિધિત્‍વ કરશે. તેવું સમાચાર સૂત્રો દ્વારા જાણવા મળે છે.

(10:38 pm IST)