Gujarati News

Gujarati News

News of Friday, 13th April 2018

જાપાનના ઇમિગ્રેશન ડીટેન્‍શન સેન્‍ટરમાં છેલ્લા ૧૦ માસથી સબડી રહેલા ભારતના ૩૦ વર્ષીય યુવાનનું મોત : શાવર રૂમમાં ગળે ટુવાલનો ટુંપો દીધેલી હાલતમાં મળી આવતા આત્‍મહત્‍યા હોવાનું અનુમાન

ટોકિયો : જાપાનાના ઇમીગ્રેશન ડીટેન્‍શન સેન્‍ટરમાં છેલ્લા ૧૦ માસથી સબડી રહેલા ભારતીય મૂળના ૩૦ વર્ષીય યુવાનનું મોત થયું છે. જે આત્‍મહત્‍યા હોવાનું અનુમાન છે.

ડીટેન્‍શન સેન્‍ટર દ્વારા રજૂ આ ભારતીયની ઓળખ જાહેર કરાઇ નથી. જે આજ શુક્રવારના રોજ શાવર રૂમમાંથી ગળે ટુવાલ બાંધેલી હાલતમાં મળી આવ્‍યો હતો. જેના શ્વારછોશ્વાસ બંધ હોવાનું લાગતા તેને હોસ્‍પિટલે લઇ જવાયો હતો. જયાં એક કલાક બાદ તેને મૃત્‍યુ પામેલો જણાવાયો હતો.

મૃત્‍યુનું કારણ હજુ સુધી જોહર કરાયુ નથી. જે અંગે હજુ પોલીસ તપાસ ચાલુ છે. ઉલ્લેખનીય છે કે જાપનના આ ડીટેન્‍શન સેન્‍ટરમાં અમુક લોકોના મૃત્‍યુ થવાનું કારણ આત્‍મહત્‍યા હોવાનું જણાયું છે. જે માટે ત્‍યાં પ્રાથમિક સગવડનો અભાવ, જરૂર પડયે આપવાની થતી તબીબી સારવારમાં વિલંબ, ડીપ્રેશન, સહિતના કારણો જણાયા છે. તેવું સમાચાર સુત્રો દ્વારા જાણવા મળે છે.

(11:02 pm IST)
  • અમદાવાદના આંબાવાડી વિસ્તારના આંબેડકર નગરમાં મોડી રાત્રે યુવતીની છેડતી બાબતે જૂથ અથડામણને પગલે ભયનો માહોલ છવાઈ ગયો હતો. સામસામે આવી ગયેલા બે જૂથોએ વાહનોને આગ પણ ચાંપી દીધી હતી. ટોળાએ ફાયરબ્રિગેડ અને પોલીસ પર પણ પથ્થરમારો કર્યો હતો. જેમાં ફાયરબ્રિગેડનો એક કર્મચારી ઘાયલ થયો હતો. ટોળાને વિખેરવા માટે પોલીસને ટીયરગેસના સેલ છોડવા પડ્યા હતા. access_time 4:00 am IST

  • BSFના દરિયાઈ પેટ્રોલીંગ દરમ્યાન કચ્છનાં લખપતવારી ક્રીક વિસ્તારમાંથી એક લાવારીસ પાકિસ્તાની બોટ પકડાઈ : બોટમાં માછીમારી કરવાનો સામાન મળ્યો access_time 12:33 am IST

  • CNG ગેસના ભાવમાં વધારોપ્રતિ કિલો .2.15નો થયો વધારો :ઘરેલુ PNGના ભાવમાં રૂ.1.10નો વધારો: 18 એપ્રિલમધરાતથી થશે નવો ભાવ લાગુ: GSPCએ જાહેર કર્યો નિર્ણય: અદાણી ગેસ આવતીકાલે લેશે નિર્ણય access_time 1:29 am IST