Gujarati News

લંડન : બ્રિટનના પ્રિન્‍સ હૈરી તથા મેઘાન મરકેલના આવતા મહિને થનારા લગ્નમાં આમંત્રિત કરાયેલ ૧ર૦૦ જેટલા મહાનુભાવોમાં ભારતીય મુળની વ્‍યવસાયી મહિલા ૩૪ વર્ષીય રોઝી ગિંડેઉનનો પણ સમાવેશ થતા તે ખુશખુશાલ થઇ ગઇ છે.

ભારતના પંજાબી પરિવારની પુત્રી બિસ્‍કીટ બનાવવાના વ્‍યવસાય સાથે જોડાયેલી છે. જેના બિસ્‍કીટ ‘‘મિસ મૈકારૂન'' નામથી સુવિખ્‍યાત છે. જેના સ્‍વાદથી બર્મિંગહામ ખાતે ગયા મહિને આવેલો રાજવી પરિવાર પ્રભાવિત થયો હતો. સાથોસાથ આ યુવતિ અન્‍ય લોકોને વ્‍યાવસાયિક ક્ષેત્રે આગળ વધારવા પણ પ્રોત્‍સાહિત કરી રહી હોવાનું જણાતા તેને લગ્નમાં હાજરી આપવાનું આમંત્રણ મોકલાયું હોવાનું સમાચાર સુત્રો દ્વારા જાણવા મળે છે.