Gujarati News

Gujarati News

News of Tuesday, 16th February 2021

અમેરિકાના પ્રેસિડન્ટ જો બિડનના સ્પેશિઅલ આસિસ્ટન્ટ તરીકે ઇન્ડિયન અમેરિકન મહિલા સુશ્રી પ્રોનીતા ગુપ્તાની નિમણુંક : પ્રેસિડેન્ટના લેબર એન્ડ વર્કર્સ પોલિસી સહાયક તરીકે ફરજ બજાવશે

વોશિંગટન : અમેરિકામાં ડેમોક્રેટિક પ્રેસિડન્ટ જો બિડન ચૂંટાઈ આવ્યા પછી દેશમાં ભારતીયોનો દબદબો વધવા પામ્યો છે.વાઇસ પ્રેસિડન્ટ તરીકેના ઉચ્ચ હોદા ઉપર ઇન્ડિયન અમેરિકન મહિલાને સ્થાન મળ્યું છે.સાથોસાથ અનેક ભારતીય મૂળના અગ્રણીઓને મહત્વના હોદાઓ સોંપાયા છે.

તાજેતરમાં કરાયેલી ઘોષણા મુજબ અમેરિકાના પ્રેસિડન્ટ જો બિડનના સ્પેશિઅલ આસિસ્ટન્ટ તરીકે ઇન્ડિયન અમેરિકન મહિલા સુશ્રી પ્રોનીતા ગુપ્તાની નિમણુંક થઇ છે.તેઓ પ્રેસિડન્ટ બિડનના લેબર એન્ડ વર્કર્સ ઓન ડોમેસ્ટિક પોલિસી કાઉન્સિલ તરીકે ફરજ બજાવશે.

સુશ્રી ગુપ્તા કામદારોની સલામતી તથા તેમના પરિવારની આર્થિક સમૃદ્ધિ માટે કાર્યરત રહ્યા છે.તેમજ કામદારોને મળતી મેડિકલ લિવ સિક લિવ તથા તેમના હક્કો માટે સતત જાગૃત રહ્યા છે.તેઓ બિડન તથા હેરિસના વહીવટી તંત્રમાં નવી રોજગારીના નિર્માણમાં તેમજ આર્થિક અસમાનતા દૂર કરવામાં મહત્વનું યોગદાન આપી શકશે તેવું ઈ.વે.દ્વારા જાણવા મળે છે.

(5:45 pm IST)
  • હવે પછીના બે દિવસ તાપમાનમાં થોડો વધારો થશે: દક્ષિણ ગુજરાતમાં ક્યાંક વરસાદની સંભાવના : આગામી બે દિવસ દરમિયાન ગુજરાતમાં તાપમાનમાં વધારાની હવામાન વિભાગ તરફથી આગાહી થઈ છે. જ્યારે ગુરુવાર ૧૮ તારીખે દક્ષિણ ગુજરાતમાં અમુક સ્થળે વરસાદની શક્યતા હવામાન વિભાગે દર્શાવી છે. access_time 12:58 am IST

  • એમ.જે. અકબરનો બદનક્ષીનો કેસ અદાલતે ફગાવી દીધો : પ્રિયા રામાણીને છોડી મૂકવા આદેશ : દિલ્હીની અદાલતે સુપ્રસિદ્ધ પત્રકાર એમ.જે. અકબરે મહિલા પત્રકાર પ્રિયા રામાણી વિરૂદ્ધ કરેલ બદનક્ષી કેસમાં પ્રિયા રામાણીને નિર્દોષ છોડી મૂકવાનો હુકમ કર્યો છે : ન્યાયાધીશ રવિન્દ્રકુમાર પાંડેએ કહયુ હતું કે અકબર દ્વારા કરવામાં આવેલ ફરીયાદ પુરવાર થતી નથી અને એક મહિલાને દાયકાઓ પછી પણ પોતાને થયેલ અન્યાય અંગે રજૂઆત કરવા પૂરો અધિકાર છે : અદાલતે ભરચક્ક કોર્ટ રૂમમાં ચુકાદો આપતા કહેલ કે સ્વાભિમાનના હક્કની કિંમતે પ્રતિષ્ઠાના હક્કનું રક્ષણ કરી શકાય નહિં access_time 4:40 pm IST

  • વડોદરામાં કોંગ્રેસને બે આંકડામાં પણ બેઠક નહીં મળે પાટીલનો લલકાર: ભાજપના પ્રદેશ અધ્યક્ષ સી.આર.પાટિલે વડોદરા ખાતે ધડાકો કરતા કહ્યું છે કે વડોદરામાં કોંગ્રેસને બે આંકડામાં પણ બેઠકો નહીં મળે. રાહુલ ગાંધીએ ગુજરાતનું અપમાન કર્યુ છે તે જનતા સહન નહિ કરે. access_time 12:45 am IST