Gujarati News

Gujarati News

News of Thursday, 12th September 2019

યુ.એસ.માં શ્રી શકિત મંદિર, જયોર્જીયા મુકામે ૨૯ સપ્ટેં.થી ૭ ઓકટો.૨૦૧૯ દરમિયાન નવરાત્રિ ઉત્સવ ઉજવાશેઃ હવન અષ્ટમી ૬ ઓકટો.રવિવારે તથા શરદ પૂર્ણિમા ગરબા ૧૧ અને ૧૨ ઓકટો.૨૦૧૯ના રોજ

જયોર્જીયાઃ યુ.એસ.માં અંબાજી USA શ્રી શકિત મંદિર, ૧૪૫૦, હુઇ રોડ, લેક સીટી જયોર્જીયા મુકામે ૨૯ સપ્ટેં. રવિવારથી ૭ ઓકટો. સોમવાર સુધી નવરાત્રિ ઉત્સવ ઉજવાશે. જે દરરોજ રાત્રે ૮-૩૦ કલાકે શરૃ થશે. જેમાં તમામ હિન્દુધર્મીઓ આવકારપાત્ર છે. શુક્રવારથી સોમવાર સુધીના ડેઇલી પાસ માટે ૧૦ ડોલરની ટિકિટ રાખવામાં આવી છે. જે અંતર્ગત આવનારાઓનું આઇ.ડી.તપાસી શકાશે તેમ જણાવાયું છે.

માતાજીની શોભાયાત્રા ૨૯ સપ્ટેં.રવિવારે રાત્રે ૮ વાગ્યે નીકળશે. જે નિજ મંદિરથી સુમન્ત સેન્ટર જશે. તથા ૭ ઓકટો સોમવારે આરતી બાદ સુમન્ત સેન્ટરથી નિજ મંદિર જશે.

હવન અષ્ટમી ૬ ઓકટો. રવિવારે ઉજવાશે. જે અંતર્ગત દુર્ગાષ્ટમી હવનનો સમય બપોરે ૧ વાગ્યાથી સાંજે ૬ વાગ્યા સુધીનો રહેશે. જેમાં યજમાન બનવા માટે ૨૫૧ ડોલર ફી રાખવામાં આવી છે.

શરદ પૂર્ણિમા ગરબા ૧૧ ઓકટો શુક્રવાર તથા ૧૨ ઓકટો. રવિવારે થશે. વિશેષ માહિતી કોન્ટેક નં.૭૭૦-૯૬૮-૩૪૯૦ દ્વારા મળી શકશે તેવું જાણવા મળે છે. 

(8:56 pm IST)
  • કેન્દ્ર ને ઝટકો આપતી સુપ્રીમ કોર્ટ : સુપ્રીમ કોર્ટે કોંગ્રેસના નેતા અને પૂર્વ કેન્દ્રીય પ્રધાન ગુલામ નબી આઝાદને કાશ્મીરની મુલાકાત લેવાની મંજૂરી આપી છે. આ સમય દરમિયાન તે ચાર જિલ્લાની મુલાકાત લઈ શકે છે. જો કે, તે આ સમયગાળા દરમિયાન કોઈપણ રાજકીય કાર્યક્રમમાં ભાગ લઈ શકશે નહીં. એકવાર ત્યાં પહોંચ્યા પછી, તે સુપ્રીમ કોર્ટમાં રિપોર્ટ રજૂ કરશે. આ સંદર્ભે કેન્દ્રને નોટિસ આપવામાં આવી છે. સુપ્રીમ કોર્ટની મંજૂરી બાદ હવે ગુલામ નબી આઝાદ બારામુલ્લા, અનંતનાગ, શ્રીનગર અને જમ્મુ જિલ્લાની મુલાકાત લઈ શકે છે. access_time 12:28 pm IST

  • દિવગત વડાપ્રધાન રાજીવ ગાંધીની હત્યાની દોષી નલિનીની પેરોલ પુરી : ફરીથી જેલમાં મોકલાઈ : નલિનીએ મદ્રાસ હાઇકોર્ટમાં પેરોલની મુદત વધારવા કરેલી અરજી કોર્ટે ફગાવી ; નલિનીને તેણીની પુત્રીના લગ્નની વ્યવસ્થા સંદર્ભે 51 દિવસની પેરોલ મળી હતી : હાઇકોર્ટે ગત મહિને 30 દિવસની છૂટી આપી હતી બાદમાં ત્રણ સપ્તાહ વધારી દેવાયા હતા access_time 12:52 am IST

  • રાજકોટના કોંગી કોર્પોરેટરો સાથે મિટીંગ શરૂ : રાજકોટ કોંગ્રેસના કોર્પોરેટરો અમદાવાદ પહોંચ્યાઃ પૂર્વ ધારાસભ્ય ઇન્દ્રનીલ રાજયગુરૂને ફરી સક્રિય કરવા કોંગી નેતાગીરી સમક્ષ જોરદાર માગણીઃ પ્રદેશ કોંગી પ્રમુખ શ્રીઅમિત ચાવડા સાથે બેઠક શરૂ access_time 4:38 pm IST