Gujarati News

Gujarati News

News of Saturday, 16th June 2018

ભારતીય મૂળની મહિલા ડો. રિકીએ ઇઝરાઇલમાં મેયરની ચૂંટણીમાં ઝંપલાવ્યું

મૂળ વડોદરાના ડો. રિકી વડોદરા અને અશકેલોન વચ્ચે સંધિને લઇને કામ કરતી વખતે ચૂંટણી લડવા માટે પ્રેરિત

 

વડોદરા:ભારતીય મૂળની મહિલાએ ઈઝરાયલમાં મેયરપદ માટેની ચૂટણીંમાં ઝંપલાવ્યું છે ઇઝરાઇલમાં આગામી પહેલી ભારતીય મૂળ મેયર ચૂંટવામાં આવશે તો ભારતના વડોદરાનું નામ ઇતિહાસમાં સોનેરી અક્ષરે લખાશે. ડો. રિકી સહાય પહેલી ભારતીય મૂળની મહિલા છે જે ઇઝરાઇલના મોટા શહેરોમાંના એક અશકેલોનમાં મેયરના પદ માટે ચૂંટણી લડી રહી છે. ડો. રિકી વડોદરા અને અશકેલોન વચ્ચે સંધિને લઇને કામ કરતી વખતે ચૂંટણી લડવા માટે પ્રેરિત થઇ છે 

  અહેવાલ અનુસાર ડો. રિકીએ જણાવ્યું હતું કે થોડા વર્ષો પહેલાં વડોદરા અને અશકેલોન વચ્ચે એક સંધિ થઇ હતી. બંને શહેરોને નજીક લાવવા માટે ઘણા કાર્યક્રમોનું આયોજન કરવામાં આવે છે તે તેમાં ભાગ લે છે. સંધિ પહેલાં અશકેલોનનો ભારત સાથે ઓછો સંપર્ક હતો. તે વડોદરા આવી અને ઘણા લોકોને મળી. તેમણે કહ્યું કે જ્યારે આપણા ભારતીય મૂળિયા અને સંસ્કૃતિ સાથે જોડાઈ તો તેમને બીજાને આપવાની, ધૈર્ય અને સહિષ્ણુતાના મૂલ્યો વિશે ખબરપડી. તેમને નિર્ણય કરી લો કે તે મેયર પદ માટે ચૂંટણી લડશે.

  ડો, રિકીએ કહ્યું કે તે નગર પરિષદની સભ્ય છે. ગત વર્ષે જ્યારે વડોદરા ફ્રેંડ્સ ઓફ ઇઝરાઇલે અશકેલોનમાં એક સાંસ્કૃતિક અને સંગીત મહોત્સવનું આયોજન કર્યું હતું તો તેમણે કાર્યક્રમને કરાવવામાં મોટી ભૂમિકા ભજવી હતી. ફ્રેંડ્સ ઓફ ઇઝરાઇલના કો-ઓર્ડિનેટર નિકિટીન કોન્ટ્રાક્ટરે કહ્યું કે રિકીએ ઘણૅઅ લોકોને કહ્યું કે સિટી કાઉન્સિલ મેમ્બર રહેતાં ઘણા સારા કામ કરી રહી છે એટલા માટે હવે મેયર બનીને કામ કરવા માંગે છે એટલા તેમને મેયરની ચૂંટણી લડવાનો નિર્ણય કર્યો.

  રિકી એક લેક્ચરર અને એકેડમિક ડાયરેક્ટર છે. તે મહિલા શિક્ષણને લઇને કામ કરે છે. પાંચ વર્ષ પહેલાં તે સિટી કાઉન્સિલની સભ્ય ચૂંટાઇ હતી. તે શિક્ષણ, મહિલા સશક્તિકરણ અને નાના વ્યવસાય માટે કામ કરે છે. તેમના માતા-પિતા મહારાષ્ટ્રિયન યહૂદી હતા. તે પોતે મહારાષ્ટ્રમાં ભણી-ગણી છે. તે લોકો 1964માં ઇઝરાઇલમાં આવીને વસ્યા હતા.

  રિકીએ કહ્યું કે તેમણે મહિલા સશક્તિકરણ માટે ખૂબ સરસ કામ કર્યું છે. તેમને મહિલાઓનો સપોર્ટ છે. અશકેલોનમાં મહારાષ્ટ્રિયન યહૂદી સમુદાય પણ રહે છે તેમને તેમનો ખૂબ સપોર્ટ મળી રહ્યો છે. જો તે અશકેલોનની મેયર બની જાય છે તો ફક્ત ઇતિહાસ નહી હોય, પરંતુ ભારત અને ઇઝરાઇલ વચ્ચે વડોદરાના માધ્યમથી સંબંધ પણ મજબૂત થશે

(11:58 pm IST)
  • ગુરુવારે હાઈકોર્ટે ડૉ. આરસી શાહની પૂર્વ ધરપકડ જામીન અરજીને રદ્દ કરી દીધી હતી. ઉલ્લેખનીય છે કે, આરસી શાહ અમદાવાદ નગરપાલિકાનાં અધીક્ષક હતા અને લાંચ લેવાના ગુનામાં સસ્પેન્ડ કરાયા હતા. ગુજરાત હાઈકોર્ટે આ જામીન અરજી પર નિર્ણય સંભળાવતા કહ્યુ કે, ભ્રષ્ટ અધિકારીઓ અને મંત્રીઓ સમાજ માટે ભાડાના હત્યારોઓથી પણ વધારે ખતરનાક છે. access_time 1:03 am IST

  • મુંબઈમાં આજે સવારથી બહારના વિસ્તારોમાં વાદળાઓની જબ્બર જમાવટ છે : વરસાદ તૂટી પડે તેવો માહોલ સર્જાયો છે access_time 11:28 am IST

  • સૌરાષ્ટ્ર - કચ્છમાં મિશ્ર હવામાન સાથે ઝાપટા : અમરેલી જીલ્લાના રાજુલા - જાફરાબાદ, ભાવનગરના તળાજા અને કોટડાસાંગાણી તાલુકાના રામોદ, અરડોઈ સહિતના વિસ્તારોમાં વરસાદી ઝાપટા : રાજકોટ સહિત સૌરાષ્ટ્ર - કચ્છમાં મિશ્ર હવામાન સાથે બફારો access_time 5:54 pm IST