Gujarati News

પેશાવરઃ નોર્થ ઇસ્‍ટ પાકિસ્‍તાનના શીખ લીડર બાબાજી ગુરૂ ગુરપાલસિંઘએ પેશાવર હાઇકોર્ટમાં પિટીશન દાખલ કરી કોમ્‍યુનીટી માટે સ્‍મશાન ઘાટનું નિર્માણ કરવા સ્‍ટેટ દ્વારા ફંડ ફાળવવામાં આવે તેવી દાદ માંગી છે.

તેમણે હાઇકોર્ટ સમક્ષ કરેલી અરજીમાં જણાવ્‍યું છે કે પેશાવરમાં ૧૫ હજાર જેટલા શીખો વસે છે. જેમાંથી કોઇનું અવસાન થાય તો તેને શીખ ધાર્મિક વિધિ મુજબ અગ્નિસંસ્‍કાર કરવા માટે શહેરથી ૪૫ કિ.મી. દૂર આવેલા હિન્‍દુ સ્‍મશાન ઘાટ સુધી જવું પડે છે. જે ગરીબ હોય તેવા શીખોને પોસાતુ ન હોવાથી નાછુટકે મૃતદેહને અગ્નિસંસ્‍કાર કરવાને બદલે દફનાવવો પડે છે. આથી ખૈબર પખ્‍તુન્‍વા ગવર્મેન્‍ટ પેશાવરમાં સ્‍મશાન બાંધવા રકમ ફાળવે તેવી માંગણી કરી છે.