Gujarati News

Gujarati News

News of Thursday, 15th November 2018

અમેરિકામાં યોજાયેલી મધ્યસત્રીય ચૂંટણીઓમાં વધુ 3 ઇન્ડિયન અમેરિકન ઉમેદવારો વિજેતા ઘોષિત : સુશ્રી મોના દાસ,શ્રી સિમ ગિલ,તથા શ્રી કે.પી.જ્યોર્જના ગળે વિજયની વરમાળા

 

વોશિંગટન : અમેરિકામાં 6 નવે.ના રોજ યોજાયેલી મધ્યસત્રીય ચૂંટણીઓમાં વધુ 3 ઇન્ડિયન અમેરિકન ઉમેદવારો વિજેતા ઘોષિત થયા છે.જેઓના પરિણામો હવે જાહેર થયા છે. 3 વિજેતા ઉમેદવારોમાં સુશ્રી મોના દાસ વૉશિન્ગટનના 47 માં લેજીસલેટિવ ડિસ્ટ્રીક્ટમાંથી સ્ટેટ સેનેટ સીટ ઉપર ચૂંટાઈ આવેલા જાહેર થયા છે.તેમને 50.5 ટકા એટલેકે 27303 મતો મળ્યા છે.જયારે તેમના રિપબ્લિકન પ્રતિસ્પર્ધીને 49.5 ટકા એટલેકે 26755 મતો મળતા સુશ્રી મોના 548 મતોથી વિજેતા થયા છે.

 તે રીતે ઉતાહમાંથી સોલ્ટ લેક કાઉન્ટી ડીસ્ટ્રીકટ એટર્ની તરીકે શ્રી સિમ ગિલ ફરી વખત ચૂંટાઈ આવ્યા છે.તેમને 56.4 ટકા એટલેકે 187148 મતો મળ્યા છે.જયારે તેમના પ્રતિસ્પર્ધી રિપબ્લિકન ને 43.6 ટકા એટલેકે 144718 મતો મળ્યા છે. ઉપરાંત ટેક્સાસ ફોર્ટ બેન્ડ કાઉન્ટીમાં સૌપ્રથમ સાઉથ એશિયન  કાઉન્ટી જજ બનવાનું માન કે.પી.જ્યોર્જના ફાળે ગયું છે.તેમણે 15 વર્ષથી ચૂંટાઈ આવતા રિપબ્લિકન ઉમેદવારને પરાસ્ત કર્યા છે.તેવું સમાચાર સૂત્રો દ્વારા જાણવા મળે છે.

(6:39 pm IST)