Gujarati News

Gujarati News

News of Thursday, 15th April 2021

ઇન્ડિયન અમેરિકન શ્રી નાગેશ રાવની ચીફ ઇન્ફોર્મેશન ઓફિસર તરીકે નિમણુંક : યુ.એસ. ડિપાર્ટમેન્ટ ઓફ કોમર્સના બ્યુરો ઓફ ઇન્ડસ્ટ્રી એન્ડ સિક્યુરિટીએ 12 એપ્રિલના રોજ કરેલી ઘોષણાં

વોશિંગટન :  યુ.એસ. ડિપાર્ટમેન્ટ ઓફ કોમર્સના બ્યુરો ઓફ  ઇન્ડસ્ટ્રી એન્ડ સિક્યુરિટીએ 12 એપ્રિલના રોજ  ઘોષણાં  કરી હતી કે નાગેશ રાવને મુખ્ય માહિતી અધિકારી તરીકે નિયુક્ત કરવામાં આવ્યા છે.

બીઆઈએસએ તેના સમાચાર પ્રકાશનમાં પણ નોંધ્યું છે કે રાવની પસંદગી કારકિર્દીના વરિષ્ઠ એક્ઝિક્યુટિવ સર્વિસના પદ માટે કરવામાં આવી છે.

આઇઝનહાવર ફેલો અને મીરઝાયન સાયન્સ એન્ડ ટેકનોલોજી પોલિસી ફેલો શ્રી રાવ, છેલ્લા 20 વર્ષનો  જાહેર, ખાનગી અને એનજીઓ ક્ષેત્રે  અનુભવ ધરાવે  છે .

શ્રી રાવ  ટેક્નોલોજિસ્ટ રેન્સલેર પોલિટેકનિક ઇન્સ્ટિટ્યૂટ ,  અલ્બેની લો સ્કૂલ , તથા  યુનિવર્સિટી ઓફ મેરીલેન્ડ-કોલેજ પાર્કની  ડિગ્રી ધરાવે છે.

બીઆઈએસ પર આવતા પહેલા, તેમણે યુ.એસ. સ્મોલ બિઝનેસ એડમિનિસ્ટ્રેશનમાં કામ કર્યું અને કોવિડ -19 લીડરશિપ રિસ્પોન્સ ટીમમાં સેવા આપી હતી. પી.પી.પી. લેન્ડર ગેટવે, એસબીઆઇઆર સહિતના કી ડિજિટલ ઉત્પાદનોના બિલ્ડ-આઉટ અને આધુનિકરણની દેખરેખ રાખી હતી. તેવું ઈ.વે.દ્વારા જાણવા મળે છે.

(6:04 pm IST)