Gujarati News

Gujarati News

News of Sunday, 15th April 2018

યુ.એસ.માં ‘‘આર્ય સમાજ ગ્રેટર હ્યુસ્‍ટન''નો ર૭ મો વાર્ષિક સ્‍થાપના દિવસ ઉજવાયો : ૭ તથા ૮ એપ્રિલ ર૦૧૮ દરમિયાન કરાયેલી ઉજવણીમાં વોકથોન, યોગ, યજ્ઞ, પ્રવચન હેલ્‍થ ફેર તથા સાંસ્‍કૃતિક કાર્યક્રમોના આયોજનો કરાયા

હ્યુસ્‍ટન : યુ.એસ.માં ‘‘આર્યસમાજ ગ્રેટ હ્યુસ્‍ટન''નો ર૭ મો વાર્ષિક સ્‍થાપના દિવસ તાજેતરમાં ૭ તથા ૮ એપ્રિલ ર૦૧૮ દરમિયાન ઉજવાઇ ગયો.

ભારતના સપૂત મહર્ષિ દયાનંદ સરસ્‍વતીએ ૧૦ એપ્રિલ ૧૮૭પના રોજ મુંબઇ મુકામે આર્યસમાજની સ્‍થાપના કરી હતી. જેની હજારો શાખાઓ દશ-વિદેશમૌં ફેલાયેલી છે. જે પૈકીની ગ્રેટર હ્યુસ્‍ટનની શાખાએ ર૭ માં વાર્ષિક સ્‍થાપના દિન નિમિત્તે ૭ તથા ૮ એપ્રિલ દરમિયાન વિવિધ કાર્યક્રમોના આયોજનો કર્યા હતા.

જે મુજબ ૭ એપ્રિલના રોજ પ કિ.મી.ની વોકથોનનું આયોજન કરાયું હતું તથા બાદમાં યોગા તથા બ્રેકફાસ્‍ટ યોજાયા હતા. ૮ એપ્રિલના રોજ હેલ્‍થ ફેર યોજવામાં આવ્‍યો હતો. જે અંતર્ગત હેલ્‍થ અવેરનેસ લેકચર્સ, બ્‍લડ ટેસ્‍ટ, બ્‍લડ ડોનેશન તેમજ આરોગય નિદાન સહિતના આયોજનો કરાયા હતા. જેનો ૧૪૦ લોકોએ લાભ લીધો હતો.

ર૭મા વાર્ષિક સ્‍થાપના દિવસની ઉજવણી અંતર્ગત ઓમ લખેલ ભગવો ધ્‍વજ લહેરાવાયો હતો તથા યજ્ઞ કરાયો હતો તથા DAV સન્‍ડે સંસ્‍કૃત સ્‍કુલ, મોન્‍ટેસરી તથા એલિમેન્‍ટરી સ્‍કુલ તેમજ ટેકસાસની પ્રાઇવેટ સ્‍કુલોના સ્‍ટુડન્‍ટએ સાંસ્‍કૃતિક કાર્યક્રમો રજૂ કર્યા હતા તેવું IAN દ્વારા જાણવા મળે છે.

(10:41 pm IST)
  • ગીર સોમનાથ જિલ્લામાં આદમ ખોર દીપડાઓએ હાહાકાર મચાવ્યો છે. છેલ્લા ત્રણ દિવસમાં બે બાળકોને આદમખોર દિપડાએ મોતને ઘાટ ઉતાર્યા છે. ઉનાના મોઠા ગામે એક બાળકીને ફાડી ખાધા બાદ વધુ એક બાળકીને સુત્રાપાડાના મોરડીયા ગામે માનવ લહુના પ્યાસા બનેલા દીપડાએ બાળકીને માતા-પિતા સામેજ ફાડી ખાધી હતી. access_time 12:40 am IST

  • સંયુક્ત રાષ્ટ્ર પરિષદ એક શંકાસ્પદ કેમિકલ હથિયારના હુમલાના જવાબમાં સિરીયા પર અમેરિકા, ફ્રાંસ અને બ્રિટન દ્વારા હવાઈ હુમલાની ચર્ચા માટે રશિયાના આગ્રહ પર શનિવારે બેઠક કરશે, આ બેઠક ભારતીય સમય અનુસાર રાત્રે 8:30થી શરૂ થઈ હતી. આ બેઠકમાં રશિયા દ્વારા રજુ થયેલ ઠરાવ પસાર થઈ શક્યો નથી જેમાં રશિયાએ હાલમાં સીરિયા પર થયેલ અકેરિકા - ફ્રાંસ અને બ્રિટન દ્વારા સંયુક્ત હુમલા ને આંતરરાષ્ટ્રીય કાયદાનું ઉલ્લંઘન અને યુ.એન. ચાર્ટર દ્વારા સીરિયન અરબ રિપબ્લિક સામે આક્રમણ ગણાવાયું હતું. માત્ર રશિયા, ચાઇના અને બોલિવિયાએ આ ઠરાવની તરફેણમાં મત આપ્યો, જ્યારે આઠ દેશોએ ઠરાવની વિરુદ્ધમાં મતદાન કર્યું હતું. access_time 2:00 am IST

  • ભિલોડાના વાંકાનેરમાં અસામાજિક તત્વોનો આતંક :વાંકાનેર સ્ટેટના જાગીરદાર ધિરાજસિંહજીની પ્રતિમા ખંડિત કરાઈ :પ્રતિમા પર ટાયર સળગાવીને ભાલો અને તલવાર ચોરી ગયા : ગ્રામલોકો દ્વારા ભિલોડા પોલીસને જાણ કરાઈ access_time 7:04 pm IST