Gujarati News

Gujarati News

News of Friday, 15th March 2019

ન્યુઝીલેન્ડમાં થયેલા આતંકી હુમલાથી ભારતીય મૂળના 4 સહીત કુલ 6 ભારતીયોના મોત થયાની આશંકા : 9 ભારતીયો લાપત્તા : હુમલાથી મોત પામેલા લોકોનો સત્તાવાર આંકડો 49

ન્યુઝીલેન્ડ : ન્યૂઝીલેન્ડની 2 મસ્જિદમાં થયેલા આતંકી હુમલાને કારણે ભારતીય મૂળના  4 સહીત કુલ 6 ભારતીયોના મોત થયા હોવાની આશંકા છે. ઉપરાંત  9 ભારતીયો લાપત્તા હોવાનું જાણવા મળે છે.કુલ મૃત્યુ આંક 49 થઇ ગયો છે.તેવું સમાચાર સૂત્રો દ્વારા જાણવા મળે છે.

 ભારતીય ડિપ્લોમેટ્સ સંજીવ કોહલીએ જણાવ્યું કે, પ્રાથમિક માહિતી અનુસાર, આ ઘટનામાં બે ભારતીયો અને ચાર ભારતીય મૂળના લોકોનાં મોતની આશંકા છે. જો કે, ન્યૂઝીલેન્ડની સરકારે હજુ સુધી આ વાતની પુષ્ટિ નથી કરી. ભારતીય હાઇ કમિશનની હેલ્પલાઇનમાં અનેક લોકોનાં ફોન આવી રહ્યા છે અને આ જાણકારી આ જ પૂછપરછ અને ક્રાઇસ્ટચર્ચના ભારતીય સમુદાય તરફથી મળતી જાણકારી પર આધારિત છે. કોહલીનું કહેવું છે કે, માર્યા ગયેલા લોકોમાંથી બે હૈદરાબાદ, એક ગુજરાત અને એક પૂણેનો હોવાનું માનવામાં આવે છે.

ઉલ્લેખનીય છે કે હુમલાગ્રસ્ત આ વિસ્તાર ક્રાઇસ્ટચર્ચમાં 30 હજાર જેટલા ભારતીયો વસે છે.

(9:04 pm IST)
  • ઓલ ઇન્ડિયા બાર એક્ઝામીનેશન XIII ( AIBE XIII )નું પરિણામ થયું જાહેર : પરિક્ષાર્થીઓ પોતાના પેપરની પુનઃ ચકાસણી માટે 15 થી 31 માર્ચ સુધીમાં રૂ. 200 ભરીને અરજી કરી શકશે : પરિણામ http://aibe13.allindiabarexamination.com/result.aspx વેબસાઈટ પર જોઈ શકાય છે access_time 9:50 pm IST

  • રાફેલ મામલો :સુપ્રીમ કોર્ટે કહ્યું પહેલા કેન્દ્ર સરકારની આપત્તિઓ પર નિર્ણય લેવાશે :પીઠે કહ્યું કે કેન્દ્ર દ્વારા ઉઠાવેલ પ્રારંભિક વાંધા પર ફેંસલોઃ કર્યા બાદ મામલાના તથ્યો પર વિચારણા કરાશે access_time 1:30 am IST

  • પ્રવિણ તોગડીયા પાણીની ટાંકીના ચિન્હ સાથે લોકસભાની ચૂંટણી લડશે : હિન્દુસ્તાન નિર્માણ દળ રાજકીય પક્ષનું ચિન્હ પાણીની ટાંકી અપાયુ access_time 6:16 pm IST